ملی معلومات و احصائیه اداره‌سی باشلیغی جاوید رسولی نینگ ایتیشیچه، کیملیککه آنه نینگ نامی‌نی کیریتیلیشی اختیاری دیر و کیشی‌لرنینگ رضایتی بولمه‌گن صورتده، آنه‌لری نینگ نامی کیملیککه کیریتیلمه‌یدی.
بوگون "چهارشنبه" ملی معلومات و احصائیه اداره‌سی باشلیغی نینگ خبری بیرییغینده ایتیشیچه، آنه‌نینگ نامی کیملیککه کیریتیلیشی‌نی ایستمه‌گن کیشی‌لرنینگ کیم‌لیک‌لری آنه نینگ نامی کیریتیلمه‌ی چاپ و توزیع قیلینه‌دی.
ملی معلومات و احصائیه اداره‌سی باشلیغی نینگ کوپه‌یتیریشیچه، آنه نینگ نامی غیابیده چاپ قیلینگن کیم‌لیک‌لر اعتبارلی دیر و قیته‌دن کیم‌لیک آلیش‌گه نیاز ایمس.
اوشبو خبری ییغینده جناب رسولی نینگ ایتیشیچه، برقی کیم‌لیک توزیع قیلینیش جریانی باشلنگنیدن حاضرگه‌قدر مملکت بوییچه بیر میلیون برقی کیم‌لیک توزیع قیلینگن.
جناب رسولی‌گه کوره، مملکت بوییچه برقی کیم‌لیک توزیع قیلیش خصوصیده 47 مرکز فعالیت قیله‌دی و ایستک کوپه‌یگن صورتده، اوشبو مرکزلرنی کوپه‌یشی ممکن.
برقی کیم‌لیک نینگ توزیع قیلینیش جریانی 1397- ییل ثور آیده باشلنگن ایدی.
