 - Copy 1.jpg)
د افریقا وچې فوټبال جام سیالیو د رسمي وېبپاڼې د معلوماتو له مخې، کیمرون لوبډلې د پایلوبې په وروستیو شېبو کې د لوبې مسیر بدل مصرۍ لوبډلې ته یې ماته ورکړه.
کیمرون لوبډلې د لوبې په ۸۸ مه دقیقه کې د احتیاطي لوبغاړي وینسینټ ابوبکر د ګول په واسطه مصرۍ لوبډلې ته ۲ د ۱ ګول پر وړاندې ماته ورکړه او د اتلولۍ جام یې وګټلو.
په دې اتلولۍ سره کیمرون لوبډلې د پنځم ځل لهپاره د دغو سیالیو د اتلولۍ جام ترلاسه کړ او د اتلولۍ ګټلو لهپاره یې ۱۵ کلن انتظار پای ته ورسولو.
د معلوماتو له مخې، د پایلوبې په ۲۲ مه دقیقه کې د مصر لهپاره ایلاني لومړی ګول ووهلو، چې د دویمی نیمایي تر ۵۹ مې دقیقې یې وساتلو.
 - Copy 1.jpg)
خو د دویمې نیمایي ۵۹ مه دقیقه کې د کیمرون لوبډلې لهپاره نیکولاس د مصرۍ لوبډلې د ګول دروازه خلاصه کړه او سیالي یې په یوه ـ یوه ګول سره برابره کړه.
دواړو لوبډلو د پرېکړه کوونکي دویم ګول لهپاره هڅې کولې؛ خو د لوبې په ۸۸ مه دقیقه کې د پای ۲ دقیقې مخکې کیمرون لهپاره احتیاطي لوبغاړیو ابو بکر حیرانوونکی او پرېکړه کوونکی ګول ووهلو او خپله لوبډله یې د ۱۶ افریقایي هېوادونو په ډله کې د اتلولۍ مقام ته ورسوله.
د افریقا وچې فوټبال جام سیالۍ هر دوه کاله وروسته د افریقا په یو هېواد کې کېږي.
تراوسه په ۳۱ پړاونو کې مصر ۷ ځلې، کیمرون ۵ ځلې او سیمي فاینل ته رسېدونکی ګانا لوبډلې بیا ۴ ځلې د اتلولۍ جام ګټلی دی.
د سږکال په افریقا وچې فوټبال جام سیالیو کې عاج ساحل په ۲۰۱۵ کال کې له ګټلې اتلولۍ نه دفاع کوله، خو دغه لوبډله د سږکال جام درېیم پړاو ته هم ونه رسېدله.
