.jpg)
اسمی سر سقله‌نیش شرطی بیلن اخبارات واسطه‌لریگه ایتگن حکومت‌نینگ بیر منبعی، امریکه تشقی ایشلر وزیری کیلگوسی هفته افغانستان‌گه کیله‌دی.
امریکه دولت کاتبی جان کری افغانستان و امریکه اورته‌سیده امضالنگن اوزاق مدتلی امنیتی شرطنامه‌نینگ ترکبی قوشمه کمیسیون‌ده اشتراک قیلیشی ریجه لنتیریلگن.
ییغین‌ده امنیتی شرطنامه‌نینگ بیر ییل‌لیک ایشلری و یوتوقلری اوستیده بحث آلیب باریله‌دی. ییغین‌ده شرطنامه‌نینگ قیسی بولیمی عمل ده تطبیق ایتیلگن‌لیگی اورگه نیله‌دی. شونینگ‌دیک بو شرطنامه امضالنگن‌لیگی رسمی کابل اوچون قنچه‌لیک ایجابی تاثیری بولگن لیگی هم انیق لنه‌دی.
منبع نینگ سلام‌وطندارگه بیلدیریشیچه، مذکور قوشمه کمیسیون‌ده یخشی حکومتچیلیک، انسان حق وحقوقلری و امنیت بوییچه وظیفه لنتیریلگن کمیته‌لرنینگ بجرگن ایش نتیجه‌سی جان کری و ملی بیرلیک حکومتی‌نینگ رسمیلریگه تاپشیریله دی.
منبع، کیلیشووگه اساسن هر ییل افغانستان و امریکه قوشمه ایالت‌لری‌نینگ تشقی ایشلر وزیرلری بیر مرته ییغین اوتکزیب، مساله‌نی محاکمه قیلیب چیقه دیلر دیگن.
حکومت‌نینگ مذکور منبعی، اقش دولت کاتبی جان کری بوندن نیچه آی آلدین افغانستان‌گه کیلیشی کوتیلردی، اما خوف‌سیزلیک معمالر سبب اونینگ سفری هنوزگچه نامعلوم قالگن دیگن
