خلق ارا ایش تشکیلاتی تمانیدن سویس‌نینگ ژنو شهری‌ده ترقتیلگن گزارش‌گه کوره، کونسایین دنیا بویلب ایش امنیتی میزانی و ایش زمینه‌سی کمه یماقده.
مذکور تشکیلات دنیا اقتصادی‌گه بونده‌ی سلبی تاثیر قویگنی توغری سیده هشداربیریب ایتیشیچه، دنیاده‌گی ایشچی‌لردن یالغیز تورت فایزی‌نی ثابت ایشی بار، قالگنی قراردادی و یا ایرکین شکلده ایشله‌یدیلر.
خلق ارا ایش تشکیلاتی باش مدیری گای رایدرنینگ ایتیشیچه، دولت‌لرنی بو توغریده کوره‌ششی لازم، شونینگ‌دیک ایش زمینه‌سی یره‌تیلیشی خصوصی‌ده دقت قیلیش‌لری کیره‌ک.
جناب رایدرنینگ کوپه‌یتیریشیچه، ایش شرایطی یمان‌لیگی، دنیابویلب خلق ارا نابرابرلیک‌نی کوپه‌یتیرگن و بو نابرابرلیک‌لر خلق ارا قشاقلیک کوپه‌ییشی‌گه سبب بوله‌دی.
خلق ارا ایش تشکیلاتی باش مدیری‌گه کوره، هرکون اوتیشی بیلن قشاقلیک کوپه‌ییب باره یاتگن‌لیک خطری کوپراق شرقی آسیا و جنوبی افریقا اولکه‌لری‌نی تهدید قیله‌دی؛ ایشی بولگن کیشی‌لردن 10 ته‌سی‌دن بیرینی ثابت ایشی بار؛ عین حالده، بای اولکه‌لرده 10کیشی ایچی‌ده 8 ته‌سی‌نینگ ثابت قراردادی ایشی بار.
میلادی 2008- ییل‌ده اروپا اقتصادی قیینچی‌لیگی باشلنگنی‌دن کیین، ایشچی‌لردن حمایت ایتیش قانون‌لری بو قاره‌ده کمه‌ییب و ایش زمینه سی هم کمه‌ییب کیتدی. اقتصادی قیینچی‌لیک دوره‌سی باشلنگنی‌دن کیین ایش سیزلر رقمی 30 میلیون‌دن 201 میلیون کیشی‌گه ایتیش‌دی.
جناب رایدرگه کوره، اجتماعی عدالت 9 الی 17 ساعت‌لیک قرارداد لر آرقه‌لی ایلگری دیک تضمین بولمه‌یدی.
شونینگ‌دیک افغانستانده ایش سیزلیک رقمی، سیلاو قیینچی‌لیگی و ملی بیرلیک حکومتی تشکیل ایتیلیشی بیلن کوپه‌ییب بارماقده.
اقتصادی ایش بیلرمانلرگه کوره، اولکه‌ده ایش سیزلیک میزانی کوپه‌ییش سببی، چیت ایل‌لیک کوچلر چیقیشی و اونگه قوشیمچه، دنیا جماعه‌چیلیگی یاردم‌لری کمه‌ییشی دییله‌دی.
بیراق، باشقه بیرقطار تینچ اهالی افغانستانده ایش سیزلیک قیینچی‌لیگی‌نی دنیا بویلب ایش زمینه‌سی کمه‌یگنی و عایدات کم‌لیگی‌گه نسبت بیره‌دیلر.
