اوتکن کون شام چاغی‌ده انتحارچی بیر کیشی کنر ولایتی سوکی تومنیده بولگن محلی پولیس قرار گاهی‌نی هدف آستیده قرار بیریب نتیجه ده محلی پولیس کوچ‌لریدن 9 ته‌سی هلاک ایتیلگن.
سوکی تومن‌نینگ ولسوالی شاه‌خسرونینگ ایتیشیچه،اوشبو واقعه اوتکن کون آقشام چاغی‌ده ساعت 6 ده مذکور تومن‌نینگ بابرو منطقه‌سیده محلی پولیس قرار گاهی‌گه یوز بیرگن.
کنر حاکمی‌نینگ سوزلاوچیسی غنی مصمم‌نینگ بو خبر نی تصدیق‌لب ایتیشیچه، مذکور هجوم‌ده محلی پولیس کوچ‌لریدن 9 ته‌سی هلاک و باشقه 3 یره‌لنگن دیر.
جناب مصمم گه کوره، اوشبو حربی لر قومندانی عظیم‌گل هم یره‌لنگن دیر.
حاضرگچه هیچ گروه اوشبو هجوم مسوولیتی نی بوینیگه آلمه‌گن.
بیراق گزارش لرگه کوره، سوکی تومنی ده داعش گروهی فعالیت قیله‌دی.
