کنرده طالبان و داعش آره‌سیده یوز بیرگن آتیشمه‌ده 220 عایله بدرغه بولگن کنر محلی مسؤوللری‌نینگ ایتیشیچه، مذکور ولایت‌نینگ چپه‌دره تومنیده اوتگن 4 کون جریانیده طالبان و داعش گروهی آره‌سیده یوز بیرگن آتیشمه‌ده 220 عایله بدرغه بولگن.
سلام‌وطندارگه صحبت بیرگن کنر حاکمی عبدالستار میرزکوال‌نینگ ایتیشیچه، مذکور ولایت‌نینگ چپه‌دره تومنیده 4 کوندن بویان طالبان و داعش گروهی آره‌سیده آتیشمه باشلنگن و حاضرگچه اوشبو آتیشمه نتیجه‌سیده 25 جنگری داعش و 4 جنگری طالب هلاک ایتیلگن.
کنر حاکمی‌نینگ ایتیشیچه، اوشبو ایکی گروه قطار منطقه‌لرنی تصرف قیلیش اوچون توقنشیب کیلماقده لر و تیزلیک‌که حکومت تامانیدن اوشبو گروه لرگه قرشی عملیات یولگه قویله‌دی.
آتیشمه نتیجه‌سیده چپه‌دره تومنی دن بدرغه بولگن عایله‌لردن بیر قطاری‌نینگ ایتیشیچه، همکارلیک قولگه کیلتیریش اوچون کنر ولایت مقامی‌گه کیلگنلر.
بدرغه بولگن‌لردن ایکی تهسینینگ کیم‌لیگی فاش ایتیلیش‌نی ایسته‌می ایتیشیچه، داعش و طالبان جنگره‌لری ایکی هفته‌دن بویان اورشب کیلماقده.
چپه‌دره تومنی دن بدرغه بولگن‌لر حکومت دن مذکور تومن گه تازه‌لش عملیات یولگه قیشی‌نی سوره‌یدیلر.
