کنر ولایتی‌نینگ سوکی تومنی یشاوچیلریدن بیرقطاری، امنیتی کوچلر و کیسکین حمایه‌وی کوچلرنینگ قوشمه عملیاتی‌ده تینچ اهالی هلاک ایتیلگنی اوچون اعتراض بیلدیرگن‌لر اعتراضچی‌لرنینگ ادعا قیلیشیچه، بو عملیات‌ده سوکی تومنی یشاوچیلریدن 6 ته‌سی هلاک ایتیلگن.
اعتراضچی‌لرنینگ ایتیشیچه، حکومت انسانلرنینگ جنایتی‌نی معلوم قیلمس‌دن اولرنی نابود قیله‌دی. اعتراضچی‌لرنینگ آگاه‌لنتیریشیچه، بو عملیات‌لرنی آلدی حکومت تامانیدن آلینمه‌گن صورتده، حکومت بیلن بولگن علاقه‌لرینی کیسه‌دیلر.
کنر ولایتی‌نینگ محلی مسؤوللری، اوتگن کیچه اویوشتیریلگن عملیات‌ده 6 کیشی هلاک ایتیلگنینی تصدیق‌لیدی و اولرنینگ کیم‌لیگی‌نی بیللی قیلیش اوچون منطقه گه بیر هیأت یوباریلگن. کنر حاکمی سوزلاوچیسی غنی مصمم نینگ ایتیشیچه، اوتگن کیچه سوکی تومنیده اویوشتیریلگن عملیات ملی خوفسیزلیک خاص کوچلری تامانیدن یولگه قوییلگن.
کنر ولایتی‌نینگ سوکی تومنیده داعش گروهی کینگ شکلده فعالیت قیله‌دیلر و دیوه‌گل دره‌سیدن باشقه منطقه‌لری داعش گروهی نینگ نظارتی ده دیر. حکومت بو تومندن داعش گروهی‌نی نابود قیلیش اوچون نیچه مرته حربی عملیات یولگه قویگن، بیراق مذکور گروه حاضرگچه بو تومنده فعالیت قیله‌دی.
