د ټاکنو خپلواک کمېسیون نن په کابل کې یو خبرې غونډې کې د ټاکنو د څار لهپاره رارونې دوشنبې پورې د اعتبارپاڼې د اخېستلو ضربالاجل وټاکلو.
د ټاکنو خپلواک کمېسیون ویاند حفیظالله هاشمي وايي چې د سیاسي ګوندونو په ګډون تر اوسه ۵۳ بنسټونو له ټاکنو نه د څار په پار اعتبارپاڼې اخېستې دي.
د ټاکنو خپلواک کمېسیون ویاند ټینګار کوي، چې د میزان په ۲۸مه د ټاکنو ترسره کولو لهپاره ټول چمتووالی نیول شوی او د ټاکنو ځنډول یوازې یوه اوازه ده.
ښاغلی هاشمي وايي، کمېسیون د رایو ورکولو بهیر چټکووالي د وخت له ضایع کېدو د مخنیوي لهپاره پرېکړه کړې چې رایهورکوونکي د رایهورکولو پرمهال د مبایلونو لېږدولو حق نهلري.
د ټاکنو کمېسیون ویاند د امنیت ستونزه د دې کمېسیون له اندېښنو څخه بولي او دې برخه کې امنیتي بنسټونو او افغانښاریانو څخه د همکارۍ غوښتنه کوي.
هاخوا د افغانستان د رڼو او عادلانه ټاکنو بنسټ اجرایوي مشر یوسف رشید سلاموطندار ته وايي، پر ټاکنو څار بنسټونه دغه بهیر کې د شفافیت له نه تامینېدو اندېښنه څرګندوي.
د ښاغلي رشید په وینا، سره لهدې چې سیاسي ګوندونه له ټاکنو څخه د څارنې په برخه کې پوره جدیت ښيي؛ خو زیاترو یې تراوسه پورې اعتبار پاڼې نهدي اخېستي.
د ولسي جرګې ټاکنو ترسره کېدو ته ۱۰ ورځې پاتې دي او د هرې ورځې په تېرېدو سره ټاکنو ته د نوماندانو ټاکنیزې مبارزې هم نوی رنګ خپلوي.
