.jpg)
امریکا نینگ اوندن زیاد شتتی بوگون، 1-مارچ کونی هر ایکّی پارتیه‌دن جمهور رییس‌لیک یگانه نامزادگه آواز بیرماقده.
جمهوریت‌چیلردن بیزنسمین دانه‌لد تره‌مپ، دیموکرا‌تلردن ایسه سابق باش دیپلومات خیللری کلینتان رېیتینگلرده آلدینده و بوگونگی شتاتلر نینگ اکثریتینی ایلیب کیتیشی تخمین قیلینماقده.
وېرمانت شتاتیدن کالاره‌داگچه، الیه‌سکه‌دن امریکا نینگ سماه آرالیگچه قطار شتاتلر "سوپېر سه‌شنبه" دییه تنیلگن بو کون سیلاوگه چیقماقده.
ویرجینيه 11 شتاتدن بیری ایکن، تدبیرکار دانه‌لد تره‌مپ بو ییرده‌گی طرفدارلرینی آواز بیریش‌گه اونده‌دی. تره‌مپ شو پیتگچه تورت شتاتده‌گی ایچکی پارتیه‌وی سیلاو نینگ اوچته‌سیده غلبه قیلدی.
.jpg)
جمهوریت‌چیلردن مرکا روبیا و تید کروز رقیب تره‌مپ نینگ ایلدملشینی توخته‌تیش‌گه اورینماقده. سوراولرگه قره‌گنده، تره‌مپ بوگون آواز بیره‌دیگن شتتلر نینگ کوپینی قولگه کیریتیشی ممکن. فقط تیخه‌س شتتیده سناتور تید کروز نینگ قولی بلند کېییشی تخمین قیلینه‌دی.
خیللری کلینتان بوگون تینیسسی‌ده طرفدارلری بیلن کۉریشماقده. "مېنگه آواز بیرینگ. مین سیز اوچون کوره‌شه‌من"، – دییدی کلینتون.
یاشلرنی الهاملنتیرگن دېموکرا‌ت نامزاد، وېرمانت شتاتیدن سناتور بیرنی سندیرس میننیساته، کالاره‌دا، آکله‌خامه کبی شتاتلرده غلبه قیلیشدن امیدوار. او بوگون اوزی نینگ ویرمانت شتاتیده سیلاوچیلر بیلن اوچره‌شه‌یپتی.
قوشمه شتاتلرده جمهور رییس لیک سیلاولری 8-نوامبرده اوته‌دی.
