2015- ییل دنیا بویلب بولیب اوته‌دیگن کریکت بیلشووی‌نینگ آقیمی‌ده افغانستان ملی کریکت تیمی ینگی زیلاند بیلن میدان‌گه چیقیب، نتیجه‌ده اویین‌نی یوتقزدی.
دستلب افغانستان 47 دورده 9 ویکت‌نی قول‌دن بیریش بیلن یالغوز 186 چاپیش‌گه موفق بولگن و 186 چاپیش هدف قرار بیریش بیلن ینگی زیلاند تیمی‌نی یوته آلمه‌گن.
افغانستان اویین‌چی‌لری بیرینچی 59 چاپیش‌ده 6 اویینچی‌نی قول‌دن بیریشگن. بونگه قره‌مس‌دن نجیب الله زدران 56 چاپیش و سمیع الله شینواری 54چاپیش‌نی تعین قیلیش بیلن اویین‌نی افغانستان ملی کریکت تیمی‌گه یخشی لشتیرگن.
افغانستان‌لیک اویینچی‌لر هر بیری نوروزمنگل 27، حمید حسن 16، جاوید احمدی و دولت زدران‌لر هر بیری بیر – بیر دوش و نبی عیسی‌خیل 6 و اصغر استانکزی 9 دوش بیلن نوبت اساسی‌ده میدان‌دن چیققن‌لر.
افغانستان ملی کریکت تیمی‌دن فقط شاهپور زردان و نبی عیسی‌خیل ویکت آلیش‌گه موفق بولگن‌لر. بولر ینگی زیلاند ایکّی اویینچی‌سی‌نی حذف قیلیش‌گه موفق بوگن‌لر.
شونینگ‌دیک ینگی زیلاندنینگ باشقه ایکّی اویینچی‌سی هم نوبت بیلن اویین‌دن چیقاریلگن.
اوشبو بیلشووده ینگی زیلاند تیمی‌نینگ اویینچی‌سی دنیل ویتوری افغانستان کریکت تیمی‌نینگ تورت اویینچی‌سی‌نی حذف قیلیش بیلن یخشی اویینچی صفتی‌ده تَنیلگن.
ینگی زیلاند تیمی 2015- ییل ملی کریکت اویین‌لری نینگ بیرینچی باسقچی‌دن برچه بیلشوولرنی یوتیب موفق‌لیکی‌نی نصیب قیلیب کیلماقده.
2015- ییل دنیا بویلب کریکت بیلشووی‌ده افغانستان ملی کریکت تیمی انگلیس ملی کریکت بیلن میدان‌گه چیقیشی کوتیله‌دی. مذکور ایکّی تیم‌نینگ مسابقه‌سی مارچ آیی نینگ 13 – سی‌ده بولیب اوته‌دی.
