داکترلرنینگ ایتیش‌لریچه، کرونا ویروس 30-40 آره‌سیده بولگن یاشلرده میه سکته کسل‌لیگی گه سبب بوله‌دی. داکترلرگه کوره، کرونا ویروس گه چلینگن یاشلردن کوپینچه‌سی کسلخانه گه مراجعت قیلیشنی ایستمه‌یدیلر، چونکه اولر کرونا ویروس کینگ شکلده رواجلنگنی باعث، کسلخانه‌لر بو ویروس گه بولغنگنینی توشونه‌دیلر.
داکترلر تامانیدن قولگه کیریتیلگن حجت‌لرگه کوره، کرونا ویروس غیرمعمول شکلده قان لخته بولیشی گه سبب بولیب و نتیجه‌سی میه سکته کسل‌لیگی بوله‌دی. نیویارک ده جایلشگن سینی ماونت ساغلیک مرکزی ده عصب جراحی داکتر توماس اوکلی و همکارلری، درمان قیلگن کسل‌لریدن 5 ته‌سی توغریسیده ایتیش‌لریچه، بو کیشی‌لرنینگ برچه‌سینی یاشلری 50 دن قویی ایکن و برچه‌سی بیلینمه‌یدیگن کرونا ویروس گه چلینگن ایکن‌لر. اولردن بیرقطاری ده کسل علامتی بار ایکن و باشقه بیرقطاری ده کسل دن هیچ بیر علامت کورینمه‌گن.
داکتر اوکلی نینگ ایتیشیچه: «ویروس کته قان تامیری ده قان لخته بولیشی گه سبب بولیب و نتیجه‌سی قتیق میه سکته کسل‌لیگی بولگن. بیزلرنینگ تدقیقاتیمیزگه کوره، اوتگن هفته ده یاش کسل‌لرنینگ کوتیلمه‌گن میه سکته کسل‌لیگی 7 برابر آشگن. اوشبو یاش کسل‌لردن کوپینچه‌سی نینگ کسل‌لیک‌که چلینگن تأریخی یوق ایکن و بیلینمه‌یدیگن کووید-19 کسل‌لیگی گه چلینگن‌لر و اولردن 2 ته‌سیده بو کسل‌لیک‌دن هیچ بیر علامت کورینمه‌گن. حال بوکه، اولرنینگ برچه‌سینی نتیجه‌سی مثبت چیققن و بو کسل‌لردن 2 ته‌سی امبولانس بیلن علاقه قوریش‌ده بی‌فرق یانده‌شگن.»
شونینگدیک، داکترلردن تشکیل ایتیلگن باشقه بیر تیم نینگ تیکشیروولری گه کوره، کرونا ویروس رواجلنگنی باعث، اهالی شاشیلینچ رقم گه قونغیراق قیلیش یا-ده کسلخانه باریش گه قیزیقمه‌یدیلر. یاشلر بو یاشلرده میه سکته کسل‌لیگی گه چلینیشی عادی ایمس دیر و میه سکته کسل‌لیگی میه نینگ کته تامیرلری گه زیان ییتکیزه‌دی.
نیو انگلند ساغلیک ژورنالیده نشر قیلینگن اوشبو ساغلیک تیمی نینگ گزارشی ده ایتیلیشیچه، اوشبو تیم نینگ خذمتی تیمی اوتگن بیر ییل ده اورته شکلده هر ایکی هفته ده میه نینگ کته تامیرلری ده میه سکته قیین‌چیلیگی گه دوچار 50 یاش دن قویی 0.73 کسل نی درمان قیلگن و بو رقم حاضرگی کسل‌لرنینگ رقمی دن آز بولگن، چونکه هر آی ده 2 کسل درمان قیلینگن.
قانلی کته تامیرلرده بولگن میه سکته کسل‌لیگی تیزلیک که درمان قیلینمه‌گن صورتده، جدی زیانلرگه سبب بوله‌دی. داکتر اوکلی نینگ ایتیشیچه، کمیده کسل‌لردن بیری اولگن و باشقه کسل‌لر خاص مراقبتلر بولیمی یا-ده میه سکته کسل‌لیگی گه خاص بولیم ده یاتقیزیلگن و یالغیز بیر کسل کسلخانه دن رخصت بیریلیب و اویده خاص مراقبت‌لرگه آستیده بولگن.
اونگه کوره، قانلی کته تامیرلرده کسل‌لیک‌که دوچار بولگن کیشی کوچینی قولدن بیره‌دی و بو قان لخته بولگنینی کورسته‌دی و شونینگدیک، میه نینگ کته تامیرلری گه شامل بوله‌دی.»
قان جریانی کیسیلگن ده میه تیشیق‌لری نابود بوله‌دی و قان جریانی کیسیلیشی قنچه‌لیک کوپ بولگنده، شونچه‌لیک میه تیشیق‌لری نابود بوله‌دی و نتیجه‌سی میه جدی شکلده زیان کوریشی گه سبب بوله‌دی و شو یوزه‌دن بو کسل‌لر تیزلیک‌که درمان قیلینیشی کیره‌ک.
داکتر اوکلی نینگ ایتیشیچه، قانلی بویوک تامیرلرده میه سکته کسل‌لیگی‌نی یخشی و تأثیرچن شکلده درمان قیلیش یولی قان لخته‌لرینی بیرینچی حالتی گه قیتریش یا-ده لخته نی یوق ایتیش دیر و بو عمل 6 دن 24 ساعت گچه عمل گه آشیریلیشی لازم.
جناب اوکلی نینگ ایتیشیچه: «حاضرگه‌قدر اهالی گه نفس تارلیک، نفس قیین‌چیلیگی یا-ده ایسیتمه یوقاری بولگنده امبولانس چقیریشلری ایتیلگن.» او، اهالی دن کرونا ویروس علامتی‌نی اوزلری ده تیکشیریب و میه سکته کسل‌لیگی نینگ علامتی‌نی کورگنده، شاشیلینچ رقم‌لرگه علاقه قوریش‌لرینی سوره‌گن.
قیناق: سی ان ان
ترجمان: اسلام‌الدین سیزگین- سلام‌وطندار
