تخار ولایتیده نمایندهلر کینگشی سیلاوی نامزدلرینینگ مدنی اعتراضلری باشلنگنیدن بیر آیدن کوپراق اوتماقده.
اعتراضچیلر 15 کوندن بویان ولایت بناسی برابریده تحصن خیمه قورگنلر و بو مدتده باش قارالاوچیلیک، عیاللر ریاستی، مستوفیت، معارف، یشش محیط سقلش ادارهلری و سیلاولر کمیسیونلری بیکار قیلینگن.
تخار یشاوچیلرینینگ اوشبو وضعیت دوام تاپیشیدن خواطر بیلدیریب ایتیشیچه، حکومتنینگ بو قیینچیلیکنی حل قیلیش وچون سعی و حرکت قیلیشی کیرهک.
حکومتی ادارهلرنینگ بیکار قیلینگنی اهالینی جدی قیینچیلیکلر بیلن روپهره قیلگن.
تخار ولایتی چال تومنینینگ یشاوچیسی ارباب قهارنینگ ایتیشیچه، نیچه کوندن بویان تخار حاکمینینگ امضاسینی کوتهدی، بیراق اونینگ امضاسینی آلیش گه موفق بولمهیدی.
تخار حاکمینی سوزلاوچیسی جواد هجرینینگ ایتیشیچه، سیلاولر کمیسیونلری مسووللرینینگ چیکلاوتیریلیشی و بایومتریک ایتلمهگن آوازلرنینگ بایومتریک ایتیلگن آوازلردن اجرهتیلیشی اعتراضچیلرنینگ ایستکلریدن ایدی و محل حکومت اوشبو ایستکلرنی مرکزگه ییتیشتیرگن، بیراق حاضرگهقدر مرکزدن جواب قیتهریلمهگن.
تخار حاکمینینگ سوزلاوچیسی گه کوره، سیلاولر کمیسیونلری ایشیگه دخالت قیلیش اوچون حکومتنینگ حقی یوق، انهشو باعث محلی حکومت قوم بویوکلرنینگ دخالتی بیلن اوشبو قیینچیلیکنی حل قیلیش اوچون سعی و حرکت قیلهدی.
هجرینینگ ایتیشیچه، حکومتی ادارهلرنینگ یاپیق قالیشی جدی قیینچیلیکلر نی اروتهگه چیقارگن.
اوتگن کونی اعتراضچی نامزدلر و تخار محلی حکومتی آرهسیده بیر ییغین یولگه قویلدی، بیراق اوشبو ییغین ایجابی نتیجه بیرمهگن.
