افغانستان عالی اوقوو وزیرلیگی مسئوللری نینگ ایتیش‌لریچه، کابل طب بیلیم یورتی یا-ده ابوعلی‌سینا و اوشبو بیلیم یورت نینگ طبی جهازلرنی قیته قوریش و تکنالوژی بولیم تخنیکی گروهی صنعی تنفس اسکونه‌سی یا-ده ونتیلاتور توزه‌تیشگن.
عالی اوقوو وزیرلیگی سوزلاوچیسی عزیزاحمد اوریاخیل نینگ سلام‌وطندار گه ایتیشیچه، جمهوررئیس غنی بو وزیرلیک‌که علمی کادرلردن فایده‌لنیش بیلن کرونا ویروسی گه قرشی کوره‌شیش توغریسیده بویروغ بیرگن.
اوریاخیل گه کوره، جناب غنی نینگ بویروغی اساسیده مذکور نهاد متخصص‌لری کوپینچه سعی و حرکتلر و افغانستان گه موجود ملزمه‌لردن فایده‌لنیش بیلن صنعی تنفس اسکونه‌سی قورگن.
دنیا بازارلریده بیر پایه صنعی تنفس اسکونه‌سی کمیده ۳۰ مینگ دالر دیر، بیراق کابل طبی بیلیم یورت داکترلری بو ۳۰ مینگ افغانی بیلن بو اسکونه نی توزه‌تگن.
جناب اوریا خیل نینگ ایتیشیچه، دولت مذکور بیلیم یورت گه ییترلیچه امکانیت بیرگن صورتده، کابل طبی بیلیم یورت متخصص‌لری کونده ۳ پایه صنعی تنفس اسکونه توزه‌تیشی ممکن.
عالی اوقوو وزیرلیگی مسئولری نینگ ایتیش‌لریچه، ساغلیک وزیرلیگی صنعی تنفس اسکونه‌سی ایش بیریشی نی تصدیقله‌گن.
ونتیلاتور اسکونه‌سی نی قورگن فنی گروه نینگ ایتیشیچه، اوشبو اسکونه کسل‌لرنینگ اوستیگه نیچه مرته سیناوگه آلینگنیدن کیین، علی‌آباد کسلخانه‌سی و متخصص‌لری و جراح‌لری و شونینگدیک ساغلیک وزیرلیگی تامانیدن تعیین ایتیلگن هیات تامانیدن تصدیق‌لنگن.
ساغلیق‌نی سقلش وزیرلیگی سوزلاوچیسی وحیدالله مایارنینگ ایتیشیچه، صنعی تنفس اسکونه‌سی اوستیگه کلینیکی تدقیقات دن آلدین و اوندن کیین بوتون باسقیچ‌لر عمل‌گه آشیریلیب و تأمین‌لنگن صورتده، بو اسکونه کسل‌لرنینگ جانی‌نی خطرگه قویمه‌یدی و بو ایش حاضرگی شرایط ده ایجابی بیر آدیم بوله‌دی.
بوندن آلدین هم افغانستان ربات توزه‌تووچی قیزلری بیر پایه صنعی تنفس اسکونه‌سی توزه‌تگن ایدی، بیراق ساغلیق‌نی سقلش وزیرلیگی، بو اسکونه نی غیرمعیاری دیدی.
کرونا ویروس یا-ده کووید-19 دنیا بویلب رواجلنیب و کوپلب مالی و جانی زیان ییتکیزدی. بو ویروس تنفسی سیستم نی برهم اوریب و شش‌لرنی بولغب کسل‌لر اوچون نفس آلیشنی قیین قیله‌دی.
صنعی تنفس اسکونه‌سی کسل‌لرگه آکسیجن آلیشنی قولی قیله‌دی و شونینگدیک، بو اسکونه تنفسی کسل‌لرده شش‌لر قیله‌دیگن ایشلردن بیرقطارینی عمل گه آشیره‌دی.
افغانستانده حاضرگه‌قدر 2469 کیشی کرونا ویروس گه چلینگن و بو جمله‌دن 331 کیشی قیته ساغه‌یگن و باشقه 72 کیشی جان بیرگن.
