قندوز ولایتیده ملی خوفسیزلیک 09 خاص قطعه‌سی نینگ عسکرلریدن بیری سید سمیعالله تلاش، اوشبو ولایت‌ده کرونا ویروسی کوپه‌یگنی باعث، ماسک بهاسی یوقاری کیتگنی‌دن سونگ، آنه‌سی نینگ یاردمی بیلن ماسک تیکیش‌نی باشله‌گن.
ملی خوفسیزلیک اوشبو عسکری، تیک‌گن ماسک‌لرینی بیر قول‌قابی بیلن خبرچی‌لر، نیازی بولگن کیشی‌لر و امنیتی کوچ‌لرگه توزیع قیله‌دی.
اوشبو عسکر حاضرگه‌قدر 600 ماسک تیک‌گن و اولردن 100 ته‌سینی شمال‌شرق حوزه‌سیگه بولگن محلی خبرچی‌لرگه بیرگن.
جناب تلاش نینگ ایتیشیچه، داکترلردن سونگ، خبرچی‌لر کرونا گه قرشی کوره‌شیش اوچون بیرینچی خط ده قرار تاپگن و اولردن حمایت قیلیش کیره‌ک.
عین‌حالده، قندوز ولایتیده بولگن محلی مدیالرنینگ مسوول‌لری و خبرچی‌لر جناب تلاش نینگ اوشبو حرکتی‌نی خوش قرشی‌لب و بو ولایت یشاوچی‌لریدن کرونا ویروسی کوپه‌یشی‌گه توسیق بولیش اوچون ساغلیک توصیه‌لرنی رعایت قیلیش‌لرینی سوره‌گنلر.
افغانستان بوییچه حاضرگه‌قدر 423 کیشی کرونا ویروسی‌گه چلینگن و اوشبو جمله‌دن 2 ته‌سی قندوز ولایتیده رویخط گه آلینگن.
