بدخشان ولایتی نینگ محلی مسؤوللری و ولایتی کینگش اعضالری، اوشبو ولایت نینگ چیگره‌یی تومن‌لرینی بازارلریده ییگولیک ماده آزلیگی‌دن خواطر بیلدیریب و قحط‌چیلیک تهدیدی کونساین آشیشی توغریسیده آگاه‌لنتیرگن.
اولرنینگ ایتیش‌لریچه، اوتمیش‌ده بو تومن‌لرنینگ ییگولیک ماده‌لریدن کوپینچه قسمی تاجیکستان آرقه‌لی تأمین بولر ایکن، بیراق کرونا ویروس رواجلنگنی و امنیتی تهدید باعث، مذکور مملکت نینگ چیگره‌سی باغلنگنی اوچون چیگره‌یی تومن‌لرنینگ یشاوچیلری ییگولیک ماده کم‌لیگی گه روپه‌ره بولیشگن.
بدخشان ولایت کینگشی اورین باسری طلب‌الدین قادری نینگ ایتیشیچه، مذکور تومن‌لرنینگ یشاوچیلرینی یوزی گه تاجیکستان چیگره‌سی باغلنگنی باعث، اهالی کوپینچه قیین‌چیلیک‌که روپه‌ره بولیشگن. اونگه کوره، بدخشان نینگ چیگره‌یی تومن‌لرینی محلی بازارلریدن کوپینچه‌سیده ییگولیک ماده تاپیلمه‌یدی.
شونینگدیک، درواز نسی تومنی ولسوالی محمدابراهیم قیومی نینگ ایتیشیچه، سوداگرلر و محل یشاوچیلری نینگ یوزی گه تاجیکستان نینگ چیگره‌یی کوپریک‌لری باغلنگنی اوچون اهالی جدی شکلده ییگولیک ماده کم‌لیگی گه روپه‌ره بولگن.
عین دمده، بدخشان ولایتی نینگ درواز مایمی تومنی‌نی رواجلنتیریش کینگشی اورین باسری عبدالاحمد، اوزاق منطقه‌لرده بولگن اهالیسی ییگولیک ماده کم‌لیگی گه روپه‌ره بولگنینی تصدیقله‌گن. اونگه کوره، بو منطقه‌لرده ییگولیک ماده بهاسی تکرارسیز شکلده کوتریلگن.
بیراق، بدخشان حاکمی محمدذکریا سودا نینگ ایتیشیچه، چیگره‌یی تومن‌لرنینگ یشاوچیلری ییگولیک ماده کم‌لیگی گه روپه‌ره بولمه‌یدی. چونکه احتیاطی انبارلر موجود و کیره‌ک بولگن صورتده، بو انبارلردن ایش آلینه‌دی.
بدخشان حاکمی نینگ ایتیشیچه، حاضرگه‌قدر بو ولایت نینگ چیگره‌یی منطقه‌لریده ییگولیک ماده کم‌لیگی توغریسیده اولرگه گزارش ییتیشمه‌گن.
بیراق، بدخشان ولایتی نینگ چیگره‌یی تومن‌لری یشاوچیلری نینگ ایتیش‌لریچه، بو تومن‌لرده ییگولیک ماده سقلنه‌دیگن هیچ‌قنده‌ی انبار یوق دیر و بو وضعیت دوامی منطقه اهالیسی‌نی جدی قیین‌چیلیک‌که دوچ قیله‌دی.
