کراچی شهریده جناح کسلخانه‌نینگ تیز یاردم بولیمی مسؤول‌لری‌نینگ ایتیشیچه، مذکور شهرنینگ «ریجنت» پلازای هوتلی‌ده یوز بیرگن یانغین نتیجه‌سیده 11 کیشی هلاک و باشقه چمه‌سی 75 کیشی یره‌لنگن.
مذکور کسلخانه‌نینگ تیز یاردم بولیمی مسؤولی سیما جمالی‌نینگ ایتیشیچه، حاضرگچه 3 دکتر شامل 6 ایرکک و باشقه 5 عیال‌نینگ جسدی بو کسلخانه‌گه آلیب کیلینگن.
مسؤول‌لرگه کوره، یانغین بوگون «دوشنبه» ایرته‌لب، هوتل‌نینگ آشخانه‌سیدن باشلنگن و تیزلیک‌ده باشقه بولیم‌لریگه ییتیشگن.
جناح کسلخانه‌نینگ تیز یاردم بولیمی مسؤول‌لری‌گه کوره، اوشبو هوتل‌نینگ قطار مسافرلری، شیشه سینیغی‌دن زیان کورگن‌لر و اولردن کوپینچه‌سی دودنی ایسقه‌گنی باعث، دارولنماقده.
ترقه‌تیلگن صورت‌لرگه قره‌گنده، اوشبو هوتل‌نینگ قطار مسافرلری، جانلری‌نی قوتقریش اوچون تخت اوستیگه تشلنگن تکه‌لردن فایده‌لنیب پنجره‌دن توشگن‌لر.
اوت اوچیرووچی گروه، اوچ ساعت‌دن کیین، یانغین‌نی اوچیرگن، بیراق حاضرگچه یانغین سببی بیللی بولمه‌گن.
کراچی شهری‌نینگ اوت اوچیرووچی اداره‌سی باشلیغی‌گه کوره، حاضر هوتل بوتونله‌ی بوشه‌تیلگن.
سند ایالتی وزیری مراد علی شاه، اوشبو واقعه تیکشیریلیشی اوچون بیر کمیسیون ایجاد ایتیلیشی‌گه بویروغ بیرگن.
