کانادا ده اوتکزیلگن پارلمانی سیلاولرده «جستین ترودو» رهبرلیگی‌ده‌گی لیبرال حزبی غالب بولدی و موفقیت بیلن اوشبو مملکت‌ده‌گی محافظه‌چی حزبی‌نینگ اون ییل‌لیک اقتداریگه پایان بیردی. لیبرال حزبی کاناداده تورلی قتلم جمله‌دن فرهنگی‌لر تامانیدن حمایت ایتلیشی عیان. شونینگ‌دیک بو حزب مملکت‌ده‌گی مهاجرلر مقابلی‌ده هم ایشیگی آچیق سیاست‌لردن ایش آله‌دی. انه شو سبب مذکور حزب تامانیدن تیارلنگن رویخط‌ده کانادادن تشقریده توغیلگن‌لرنی هم اسمی سیغدیریلگن ایدی.
کانادا لیبرال حزبی‌نینگ اعضاسی مریم منصف‌نینگ بو مملکت مجلسی‌گه یول تاپیشی افغانستان‌ده اجتماعی صیفه‌لرده کانادا ده اوتکزیلگن سیلاولرنینگ باشقه تامانلریدن کوره کوپراق یاروتیلدی. شونینگ‌دیک عاموی اخبارات واسطه‌لری هم خانم منصف‌نی پارلمان‌گه یول تاپگن‌لیگی‌گه بغیشلب گزارش لر نشر قیلدی. افغانستان‌ده دنیاگه کیلگن خانم منصف باله‌لیکده خانه‌دانی بیلن کاناداگه مهاجربولگن. خانم مریم همده اصلی کیلیب چیقیشی ایران‌لیک بولگن کانادالیک‌لرنی مذکور مجلس‌گه یول تاپیشی کاناداده لیبرال حزبی‌نینگ مهاجرلر برابریده بولگن سیاست اوستیدن پرده کوتاردی.
لیبرال حزبی یا سوسیال دموکرات؟
کانادا لیبرال حزبی واقعیت‌ده سوسیال دموکرات حزبی سنه‌له‌دی. مذکور حزب‌نینگ اعضالری دمکراسی و لیبرال قدریت‌لریدن علاوه اجتماعی عدالت‌گه هم ایشانچلری بار. اولر محافظه‌چی حزبی‌گه قرشی ایرکین اقتصاد بازاری حامی‌لریدن. بو حزب اقتصادی عدالت‌گه تاکیدلشدن تشقری جامعه‌نینگ ضرر کورگن قتلمی هم اقتصادی سیاست‌لردن بهره‌مند بولیشی اوچون کوره‌شه‌دی. ایرکین بازار یانیده اقتصادی عدالت هم مذکور حزب‌نینگ اصلی شعاری حسابلنه‌دی. اوشبو حزب‌نینگ سیلاولر برنامه‌سیده کیلیشیچه، لیبرال حزبی درآمدی آز بولگن اهالی‌نینگ مالیه توله‌شی سیزیلرلی درجه‌ده توشیریلیشی اوچون اولگوره‌دی ولی فابریکه همده اولکن سرمایه یاتقیزووچی‌لردن کوپراق مالیه قول‌گه کیریتیش اوچون تاکیدلیدی.
تشقی سیاست
کانادا لیبرال حزبی دنیا بولیب قیین‌چیلیک‌لرنی حل قیلیش و سیاسی مذاکره قیله‌دیگن‌لرنی حمایت قیلوچی حزب. و بو حزب دنیانینگ بحران‌گه یوز توتگن منطقه‌لریگه حربی قوشین یوبارگن. کانادا لیبرال حزبی رهبرلری جمله‌دن اوشبو مملکت باش زویری جستین ترودو سیلاولر آلدی ترغیبات برنامه‌لریده بوندن بویان کانادالیک‌لر مملکت‌دن تشقری هیچ بیر اوروش‌ده قتنشمس‌لگینی ایتگن. شونینگ‌دیک کانادا لیبرال حزبی داعش‌گه ضد جهانی ایتلاف‌دن اوزینی چیقاره‌دی. ایتیلیشیچه، بوندن بویان کانادا حربی‌لری ابوبکر البغدادی خلافت اداره‌سیده بولگن منطقه‌ده هوادن هجوم اویوشتیرمیدی. کانادا باش وزیری داعش مرکزی‌گه هوادن هجوم اوتکزیش اورنی‌ده عراق حربی‌لرنی کوچلنتیریش اوچون ینگی طرح عمل‌گه آشیره‌دی. شونینگ‌دیک بو حزب افغانستان‌ده هم نیچه تامانلمه سیاست‌گه ایگه. افغانستان موردیده کانادا لیبرال حزبی‌نینگ سیاستی امریکه دولتی سیاستی بیلن اونچه‌لیک تفاتگه ایگه ایمس. کانادا کیله‌جک حکومتی ناتو چهار چوبه‌سیده‌گی تشکلات اساسیده افغانستان ملی کوچلرینی کوپراق حمایت ایته‌دی. شونینگ‌دیک کانادا لیبرال حزبی کیله‌جک‌ده طالب‌لر بیلن اوتکزیله‌دیگن تینچ‌لیک مذاکره‌لرنی حمایت قیلیشی ممکن. کانادا لیبرال حزبی بوندن نیچه ییل آلدین هم افغانستان مساله‌سی اوروش ایمس سیاسی یول بیلن حل ایتیله‌دی دیگن ایدی. بو حزب طالب‌لر بیلن مذاکره اوتکزیش لایحه‌سینی تکلیف قیلگن. حاضر کانادا لیبرال حزبی‌نینگ تکلیفی دنیا تامانیدن قبول ایتیلگن. اما، سیاسی یولنی تاپیش اوچون پاکستان قوراللی طالب‌لر رهبرینی تینچ‌لیک مذاکره‌گه تیار قیلیش اوچون صادق یانده‌شیشی لازم. هنوز هم کانادا لیبرال حزبی طالب‌لرنی مذاکره میزیگه تیار قیلیش اوچون قنده‌ی همکارلیک قییشی انیق ایمس. کانادا مجلسی‌گه مریم منصف‌نی یول تاپیشی افغانستان دیپلوماسی دستگاه‌سی‌گه اساسی فرصت یره‌تیشی ممکن.
افغانستان دیپلوماسی دستگاهی اوچون مناسب فرصت
افغانستان دیپلوماسی دستگاه‌سی مریم منصف بیلن علاقه‌ده بولیشی کیره‌ک و اونینگ واسطه‌سی بیلن کانادانینگ افغانستان برابریده بولگن سیاستی‌گه تاثیر اوتکزیشی اوچون حرکت قلیشی لازم. پاکستان دیپلوماسی موفقیتی اصلی پاکستان‌لیک غربی‌لرنینگ لابی‌گرلیگیدن کیلیب چیقه‌دی. اصلی کیلیب چیقیشی پاکستان‌لیک بولگن غربی‌لرنینگ مجلس‌گه یول تاپیشی پاکستان دیپلوماسی دستگاه‌لریگه همکارلیک قیله‌دی. جستین ترودو سیلاولر جریانیده نیچه مرته اصلی کیلیب چیقیشی پاکستان‌لیک کانادالیک‌لر مسجدیگه بارگن. اولرنینگ محلی لباسلرینی کییب اولربیلن صورتگه توشگن. بو ایسه پاکستان‌نی کانادا سیاستی اوچون موفق اوین اوینه‌گن‌لیگینی کورسته‌دی.
ایندی ایسه افغانستان حکومتی‌نینگ دیپلوماسی دستگاهی هم فعال بولیش زمانی کیلگن و حکومت مریم منصف آرقه‌لی اصلی کیلیب چیقیشی افغانستانلیک کانادالیک‌لر بیلن بوساحه‌ده فعالیت قیلیشی ضرور. افغانستان ایلچی‌لیک‌لری بوندن بویان سیاسی رهبرلرنینگ خانه دانی‌گه باغله‌نیب قالمه ضرور. مذکور ایلچی‌لیک‌لر افغانستان منفعتی اوچون فعال بولیش‌لری درکار و هر بیر جهت‌دن افغانستان ملی منفعتی اوچون فایده‌له‌نیشلری لازم و ضروری.
