بوگون "دوشنبه" نماینده لرکینگشی، کاغذی کیم‌لیک‌لر ترقه‌تیلیشی‌ده محلی ارگانلر اورنی و اولرگه تیگشلی بولگن اداره لرگه همکارلیک‌لری توغریسیده معلومات بیریش اوچون محلی اورگان‌لر اورین باسری نی چقیرگن.
نماینده لرکینگشی اعضالریدن بیرقطاری‌نینگ ایتیشیچه، محلی رسمیلر کیم‌لیک ترقه‌تیلیشی خصوصیده سلیقه‌ی شکلده یول باره‌دیلر و قطار ولایت لرده حاکم‌لر و ولسوال‌لر کیم‌لیک ترقه‌تیلیشی‌ده دخالت قیله‌دیلر.
اولرنینگ ایتیشیچه، قطار ولایت لرده اهالی کیم‌لیک قولگه کیلتره آلمه‌گن و باشقه قطار ولایت لرده نیاز دن تشقری کیم‌لیک ترقه‌تیلگن.
نماینده لرکینگشی اعضاسی فوزیه کوفی‌نینگ ایتیشیچه، اوشبو قینچیلیک‌که توسیق بولیش اوچون ولسوال لربیلن تماس آلگن بیراق سعی و حرکتی نتیجه بیرمه‌گن.
نماینده لرکینگشی‌نینگ باشقه بیر اعضاسی محمدحسین فهیمی‌نینگ ایتیشیچه، سرپل ولایتی‌نینگ مرکزی ده ترقه‌تیلگن کیم‌لیک‌لر تومن‌لرگه قره گنده سوراق‌لی دیر.
محلی ارگانلر اروین باسری تیمور شاران، کاغذی کیم‌لیک ترقه‌تیلیش لایحه سیگه محلی رسمیلر و زوره‌وان کیشی‌لرنینگ دخالتی نی قبول قیله‌دی بیراق یشاوچی‌لر شکایت‌لریگه دقت قیلیش و اوشبو لایحه گه محلی رسمیلر و زوره‌وان کیشی لر دخالتی‌گه توسیق بولیش اوچون بیر میکانیزم قوریله‌دی.
جناب شاران گه کوره، حاضرگه‌قدر بوتون مملکت ده 1.960.560 کیم‌لیک ترقه‌تیلگن. اونینگ ایتیشیچه کیم‌لیک ترقه‌تیش لایحه مملکت 16 ولایتی ده عادی شکلده ایلگری کیتماقده و باشقه 9 ولایت ده اوشبو لایحه قیینچ‌لیک بیلن روپه‌ره بولگن.
نماینده لرکینگشی‌نینگ بیرینچی اروین باسری همایون همایون‌نینگ ایتیشیچه، نماینده لرکینگش و تومن‌لرکینگشی سیلاولری‌نینگ تینق شکلده بولیب اوتیشی و محلی رسمی لرنینگ دخالت لریگه توسیق ایتیلیش اوچون محلی ارگان لرنی دقت قیلیشی کیرک.
