.jpg)
هر ییل رمضان و قربان بیرَم هییت‌لری عرفه‌سیده، کابل و افغانستان‌نینگ باشقه شهرلریده قوریق میوه سودا و ساتیغی قیزیقه‌دی و بونگه قوشیمچه، شو کونلرده میوه بهاسی کوتریلیشی خصوصیده، یشاوچی‌لرنینگ شکایت‌لری چیقه‌دی.
رمضان بیرَمی‌گه 10 کوندن آزراق قالگن و بو ییل هم کابل یشاوچیلریدن بیرقطاری، قوریق میوه آلیش اوچون بازار کیلگن‌لر و بولر ممکت بازاریده قوریق میوه بهاسی کوتریلگنی‌دن جدی تنقید قیله‌دیلر.
اولرنینگ ایتیشیچه، بیرَم عرفه‌سیده قوریق میوه بهاسی بیردیک کوتریله‌دی، بیراق حکومت مملکت بازارلریده سودا و ساتیق‌نی نظارت قیلمه‌یدی.
کابل یشاوچیلریدن بیری شیرمحمدنینگ سلام‌وطندارگه ایتیشیچه، ایش‌سیزلیک و اقتصادی قیین‌چیلیک سبب کوپینچه عایله‌لر قوریق میوه ساتیب آله آلمه‌یدیلر و حکومت‌دن مملکت بازارلرینی جدی شکلده نظارت قیلیشینی سوره‌یدی.
کابل یشاوچیلریدن باشقه بیری صبورنینگ ایتیشیچه، دکاندارلر قوریق میوه‌نی آز بها بیلن ایکینچی‌لردن ساتیب آله‌دیلر، بیراق بیرَم کونلریده یوقاری بها بیلن ساته‌دیلر.
عین حالده، کابل بازارلریده اورته شکلده بیر کیلو پسته 800 افغانی، بیر کیلو بادام 700 افغانی، بیر کیلو کشمش 500 افغانی، بیر کیلو نخود 300 افغانی، بیر کیلو کاجو 900 افغانی و بیر کیلو سیمیان 200 افغانی ساتیله‌دی.
دکاندارلردن بیرقطاری‌نینگ ایتیشیچه، بیر کیلو قوریق میوه بهاسی 100 دن 200 افغانی کوتریلگن.
کابل شهری‌نینگ دکاندارلریدن بیری جمشیدنینگ ایتیشیچه، اوتگن بیرَم‌لرگه نسبتن بو بیرَم ده سودا و ساتیق کم بولگن و اهالی اونچه‌لیک قوریق میوه آلمه‌یدی.
دکاندارلردن باشقه بیری میرویس‌نینگ ایتیشیچه، اوتگن ییل‌لرگه نسبتن سودا و ساتیق‌لری کمه‌یگن.
بیراق، صنعت و سوداگرلیک وزیرلیگی سوزلاوچیسی مسافر قوقندی‌نینگ ایتیشیچه، اولر بیر کمیته ایجاد ایتیب مملکت بازارلرینی جدی شکلده نظارت قیله‌دیلر و قیمت ساته‌دیگن‌لر قانون اساسیده تیرگاوگه آلینه‌دی.
