لوگر ولایتی‌نینگ محمدآغه تومنی زاهدآباد منطقه‌سیده کابل-گردیز قتناو یولی یوزلرچه اعتراضچی تامانیدن باغلنگن.
اعتراضچی‌لرنینگ ادعا قیلیشیچه، اوتگن کیچه امنیتی کوچلر محمدآغه تومنی‌نینگ ابازک منطقه‌سیده بیر اوینی هوادن نشانگه آلگن و نتیجه‌ده 7 تینچ اهالی یره‌لنگن.
اولر حکومت دن واقعه عامل‌لرینی محکمه گه تانیشتیریشی‌نی سوره‌یدی.
سلام‌وطندار بیلن تلیفونی علاقه قورگن لوگر حاکمی‌نینگ سوزلاوچیسی شمشاد لاروی، مذکور منطقه‌ده حربی عملیات اوتکزیلگنینی تصدیق‌لیدی؛ بیراق آرتیچه معلومات بیرمه‌یدی.
باشقه تاماندن، لوگر خوفسیزلیک قومندانلیگی سوزلاوچیسی شاپور احمدزی‌نینگ ایتیشیچه، بو عملیات توغریسیده اولرگه هیچ قنده‌ی خبر بیریلمه‌گن.
اونگه کوره، اوشبو واقعه تیکشیریلیشی اوچون منطقه گه هیأت یوباریلگن و نتیجه‌سی تیزلیک‌که میدیالرنینگ اختیاریده قوییلیشی ممکن.
