سه‌شنبه دن چهارشنبه‌گه اوتر کیچه‌سی تینچ اهالی‌دن عبارت اون اوچ یولاووچی آق کییم‌ده بولگن نامعلوم قوراللی شخص‌لر آرقه‌لی اولدیریلگن‌لر. اوشبو شخص‌لر میدان وردک ولایتی سید آباد ولسوال‌لیگی‌نینگ هفت آسیاب منطقه‌سیده هجوم آستی‌گه آلینیب هلاک ایتیلگن‌لر.
میدان وردک ولایتی‌نینگ سرپرستی عبدالمجید خوگیانی‌نینگ سلام وطندارگه ایتیشیچه، قوراللی شخص‌لر اوچ موتر جمله دن 303 بس، مازدا و تیویا تیپلی موترلرنی هجوم آستی‌گه آلگن‌لر. نتیجه‌ده بیر خاتین داخل اون اوچ کیشی حیات‌دن کوز یومگن. شونینگ‌دیک هجوم‌ده ایکّی نفر یره‌لنگن.
خوگیانی، اولدیریلگن‌لرنینگ برچه‌سی تینچ اهالی بولگن لیگی‌نی تصدیقله‌گن. مذکور شخص‌لر کابل‌دن غزنی تامان حرکت‌ده بولگن‌لر. میدان وردک ولایتی‌نینگ امنیتی رسمی‌لری هجومچی‌لرنی تاپیش اوچون تیرگاوو باشلنگن لیگی‌نی ایتگن‌لر.
هنوزگچه هم واقعه مسوولیتی‌نی هیچ بیر گروه یا شخص اوز ذمه‌سی‌گه آلمه‌گن.
کابل – ودرک عمومی ترانسپورت یولی هر ییلی بهار فصلی کیلیشی بیلن نا برقرارلیک‌لرگه یوز توته‌دی. سونگی بیر نیچه ییل جریانی‌ده مذکور یول‌ده کوپچی‌لیک یولاووچی قوراللی شخص‌لر آرقه‌لی اوققه توتیب هلاک ایتیلگن‌لر.
