کابل فوتسال قهرمان‌لیک بیلشوولری کابل‌ده 8 تیم اورته‌سیده باشلندی. اوشبو بیلشوولرده کابل فوتسال قهرمان تیمی‌نی تنلش‌دن علاوه، ملی تیم‌گه اعضا بولیش اوچون اینگ یخشی اویینچی‌لر تنلنه‌دی.
اوشبو بیلشوولرده 8 تیم اشتراک ایتگن و رمضان جامی‌نینگ تورت تورنمینتی‌ده قهرمان و نایب قهرمان بولگن‌لر.
افغانستان فوتبال فدراسیونی‌نینگ خبرنامه‌سیده کیلیشیچه، اوشبو تورنمینت‌ده فوتبال فدراسیونی رمضان جام‌لری قهرمان‌لری و نایب قهرمان‌لری، ملی المپیک کمیته‌سی، مولا علی جمنازیومی و امیدسبز شهرچه‌سی بیر- بیراوی بیلن بیلشه‌دی.
فوتبال فدراسیونی خبرنامه‌سی اساسیده، اوشبو بیلشوولرده هر کون ایکی تیم بیر- بیراوی بیلن آلتی مرته اویینگه چیقه‌دی. ایتیلیشیچه، اوشبو بیلشوولر بیر هفته گچه فوتسال جمنازیومی‌ده دوام ایتیشی ممکن.
بیلشوولر اداغیده، رمضان جام‌لری قهرمان تیمی معلوم بولیب و شونینگ‌دیک، ملی فوتسال تیمی‌گه اعضا بولیش و مشق اوتکزیش اوچون اینگ یخشی اویینچی‌لر تنلنه‌دی.
فوتبال فدراسیون خبرنامه‌سی‌گه کوره، بیلشوو باشله‌نیشی‌ده شمس میرزایی تیمی لمر تیمی‌نی مغلوب ایتگن و فیفا بیلن ستاره‌گان، امرخیل بیلن صدیقی تیم‌لری بیلشوونی مساوی یکونلنتیرگن‌لر.
بیلشوولر دوامی‌ده، بوگون صدیقی بیلن کابل ستار، شریفی بیلن امیرخیل و شمس میرزایی بیلن فیفا تیم‌لری اوینه‌یدیلر.
