کابل غربی‌نینگ یشاوچیلریدن یوزلرچه‌سی، شمشیر قومندان آتی گه تانیلگن قومندان علی‌پور توتقونگه آلینگنی گه قرشی عکس‌العمل بیلدیریب «علی‌پور یالغیز ایمس» و «علی‌پورنینگ قوییب یوبارینگ» شعارلری بیلن جاده‌لرگه چیقیب اعتراض بیلدیرگن‌لر.
کابل شهری‌نینگ 13 ناحیه‌سی یشاوچیلری، علی‌پور توتقونگه آلینگنی توغریسیده خبر نشر ایتیلگنیدن سونگ، جاده‌لرگه چیقیب و امنیتی مسؤوللردن اونینگ قوییب یوباریش‌لرینی سوره‌گن.
اعتراضچی‌لردن بیری عباس دلاورنینگ سلام‌وطندارگه ایتیشیچه، اولر علی‌پور قوییب یوباریلیشی‌نی طلب قیله‌دیلر.
دلاورگه کوره، پولیس اعتراضچی‌لرگه قرشی اوق آتگن و اعتراضچی‌لردن 4 ته‌سی یره‌لنگن.
اعتراضچی‌لردن باشقه بیری لیلا محمدی‌نینگ ایتیشیچه، حاضرگی شرایط‌ده علی‌پور توتقونگه آلینیشی حکومت‌نینگ برابریده حساسیت‌لرنی کوپه‌یتیره‌دی و حکومت تیزلیک‌که علی‌پورنی قوییب یوباریشی کیره‌ک.
عین حالده، بامیان ولایتی‌نینگ یشاوچیلری، قومندان علی‌پور توتقونگه آلینگنی گه قرشی ناراضیلیک بیلدیرگن‌لر.
شو توغریده…
فاریاب ولایتی‌نینگ چیگل فضاسیده قیصاری توتقونگه آلیندی
قوتقریش ائتلافی: قیصاری قوییب یوباریلمه‌گنده سیلاونی تحریم قیله‌میز
نظام‌الدین قیصاری و قوروقچی‌لری قوییب یوباریلیشی اوچون ناراضیلیک دوام ایتماقده
جاری ییل‌نینگ میزان آیی‌نی اورته‌سیده امنیتی کوچلر قومندان علی‌پورنی توتقونگه آلیش اوچون غور ولایتی گه بارگن ایدیلر؛ بیراق بو ایش‌گه مؤفق بولمه‌دیلر. شو موضوع اوچون یولگه قوییلگن عملیات‌ده 7 تینچ اهالی هلاک ایتیلگن ایدی.
علی‌پور 3 ییل‌دن بویان میدان‌وردک نینگ جلریز منطقه‌سیده فعالیت قیله‌دی و ادعا قیلیشیچه، مرکزی ولایت‌لرنینگ قتناو یوللریده خوفسیزلیک تأمین‌لیدی.
اونینگ بویروغی‌ده بولگن قوراللی کیشی‌لر مقاومت جبهه‌سی آتی‌گه تانیله‌دی و بو جبهه کوچی‌لر میدان‌وردک نینگ بهسود منطقه‌سی اوستیگه هجوم قیلگن‌لریدن سونگ تشکیل ایتیلدی.
