کابل شهری‌نینگ شاه‌شهید منطقه‌سی یشاوچیلری‌نینگ ایچیم‌لیک و صحی سوو یوقلیگی توغریسیده بولگن تنقیدلری و شکایت‌لریدن سونگ، مذکور منطقه‌ده بوگون 3500 عایله گه سوو ییتکزیش پروژه ایشی باشلندی.
اوشبو پروژه توغریسیده یولگه قوییلگن ییغینده کابل زونی گه سوو ییتکزیش شرکت باشلیغی سردارولی ملکزی‌نینگ ایتیشیچه، شاه‌شهید منطقه سیگه سوو ییتکزیش پروژه شرطنامه‌سی 84 میلیون افغانی ارزشی گه خصوصی بیر شرکت بیلن امضاءلنگن و بو پروژه کیله‌جک بیر ییل‌ده یکونلنیشی ممکن.
شاه‌شهید منطقه‌سینی گذر وکیلی سخی‌نینگ ایتیشیچه، اوشبو منطقه‌نی سووی دن کوپ زماندن بویان فایده‌لنیب بولمس ایدی و بو موضوع اهالی اوچون کوپینچه قیین‌چیلیک یره‌تگن ایدی.
کانالیزاسیون و سوو ییتکزیش شرکت عمومی باشلیغی حمیدالله یلانی‌نینگ ایتیشیچه، اولر کابل شهری‌نینگ غیرصحی سووی بولگن ایریم منطقه‌لریگه سوو ییتکزیش اوچون سعی و حرکت قیله‌دیلر.
عین حالده، ایچیم‌لیک سوو یوقلیگی یالغیز باشکینت یشاوچیلری‌نینگ قیین‌چیلیگی ایمس دیر؛ شونینگدیک ولایت‌لرده اهالی بونده‌ی قیین‌چیلیک‌که روپه‌ره بولیب تورگن و شو یوزه‌دن ایریم پیت‌لر تورلی کسل‌لیک‌لرگه دوچار بوله‌دیلر.
