سلام‌وطندارنینگ اختیاریده بیریلگن حجت، کابل شهرداری‌نینگ فساد و خویش خورلیگی‌نی کورسته‌دی.
اوشبو حجت‌لر کابل شهردارلیگی‌نینگ سرپرستی عبدالله حبیب‌زی، صلاحیت‌لریدن فایده‌لنیب باشکینت جاده‌لرینی ریجه‌لشتیریش پروژه‌لر، بِنالر و معیارسیز شهرچه‌لرنی معیاری‌لشتیریش پروژه‌لر و باشقه نیچه کته و کیچیک پروژه‌نی اوزی اعضاسی بولگن سودسیز بیر مؤسسه‌سیگه بیرگنینی کورسته‌دی.
قولگه کیریتیلگن حجت اساسیده، شهردارلیک سرپرستی، سابق همکارلری شیخ‌احمد متین و عزیز گلستانی‌لرنینگ کابل شهردارلیگی‌ده ییریک مصلحتچی‌لر صفتیده تعیین ایتگن و حاضر شرطنامه‌لر باغله‌نیشیده کلیدی رول اوینه‌یدیلر.
ایتیش کیره‌ک، عزیز گلستانی شهردارلیک‌ده مصلحتچی بولیشی‌دن آلدین، «EPRSO» ناملی مؤسسه باشلیغی ایکن؛ بو تعیینات شرطنامه‌لر باغله‌نیشیده سابق شریک‌لر بیلن بیرلیک‌ده سیستماتیک فساد و خویش خورلیک‌نی کورسته‌دی.
.jpg)
اوشبو حجت‌گه اساس، کابل شهردارلیگی‌ده عبدالله حبیب‌زی سرپرست بولگنیدن بویان، خیرخانه کوتلی‌نینگ جاده‌سی، کابل-لوگر جاده‌سی، رحمان‌مینه «ای» بولیمی و خوشحال‌مینه «ج» بولیمی و دشت پدوله جاده‌لری‌نینگ پروژه‌لری، بِنالرنی و غیرمعیاری شهرچه‌لرنی معیاری‌لشتیریش پروژه‌سی و شونینگ‌دیک، دستلبکی تیکشیروولرنی اجرایی بولیم پروژه‌سی بوتونله‌ی دولتی بولمه‌گن «EPRSO» ناملی مهندسلیک خذمت‌لر و تدقیقاتی مؤسسه گه تاپشیریلگن.
بو حجت‌نی کورستیشیچه، «EPRSO» ناملی مهندسلیک خذمت‌لر و تدقیقاتی مؤسسه‌نینگ اصلی رقیب‌لری بولگن اپل‌تن مصلحتی خذمت‌لر شرکتی و سرنوشت مصلحتی خذمت‌لر شرکت‌لری تجربه، خرجت و کیم آچتی سوداسیده نرخ نقطه‌ای نظریدن یخشی بیر اورینده بولگن، لیکن کیم آچتی سودا جریانیده قولی‌لیک بیلن صحنه‌دن چیققن‌لر.
اپل‌تن شرکتی، نیچه ییل‌لیک تجربه و 50 میلیون افغانی سرمایه بیلن مذکور پروژه‌لر اوچون «6،778،119.94» افغانی تکلیف قیلگن؛ بیراق «EPRSO» مؤسسه‌سی «12،382،200» افغانی تکلیف قیلیب ایشانیلمه‌گن بیر حالده، پروژه‌لرنی قولگه کیریتگن.
بو موضوع اداری فسادگه قرشی کوره‌ش استراتیژیسی عمل‌گه آشیریلیشی‌دن نظارت قیلیش قانون‌نینگ اوچینچی ماده و آلتینچی بندی اساسیده، «صلاحیت‌لردن ناتوغری فایده‌لنیش» سنله‌دی.
.jpg)
بیراق، کابل شهردارلیگی‌نینگ سوزلاوچیسی جلیل سلطانی، تکلیف‌لر توغریسیده باشقچه فکر بیلدیره‌دی. اونینگ ایتیشیچه، اوتگن بیر یریم ییل جریانیده شهردارلیک اونلرچه مؤسسه بیلن باشقه اونلرچه شرطنامه باغله‌گن و فساد بولگن صورتده، شهردارلیک بو شرطنامه‌لردن کوپینچه‌سی‌نی «EPRSO» مؤسسه‌سیگه تاپشیرردی.
اوشبو حجت‌نی باشقه بیر بولیمی‌ده کیلیشیچه، جناب عبدالله حبیب‌زی کابل شهردارلیگی‌نینگ سرپرستی صفتیده تعیین ایتیلگنیدن سونگ، مملکت‌دن تشقری سفرلرینی برچه خرجتی «EPRSO» ناملی مهندسلیک خذمت‌لر و تدقیقاتچی مؤسسه‌سی تامانیدن توللنگن؛ دیمک شهردارلیک سرپرستی‌نینگ امریکاگه قیلگن سفرینی خرجتی 28590 دالر، هندگه قیلگن سفرینی خرجتی 4730 دالر، امریکاده یشش خرجتی 7000 دالر و باشقه کته و کیچیک خرجت‌لر بولگن.
بیراق، کابل شهردارلیگی سوزلاوچیسی‌نینگ ایتیشیچه، جناب عبدالله حبیب‌زی کابل بیلیم یورتی‌ده کادری حقوقی و شونینگ‌دیک، مهندسلیک خذمت‌لر و تدقیقات مؤسسه‌سیگه اعضا بولگنی سبب، مملکت‌دن تشقری سفر امتیازلریدن فایده‌لنگن.
.jpg)
عبدالله حبیب‌زی نیمه اوچون سابق همکارلریدن شیخ‌احمد متین و عزیز گلستانی‌لرنینگ شهردارلیک ییریک مصلحتچی‌لری صفتیده تعیین قیلگن سوراق جوابی‌گه اونینگ ایتیشیچه، جناب متین و گلستانی مملکت‌نینگ ظرفیت‌لی کادرلریدن بولگنی اوچون، بو پوست‌لرگه تعیین ایتیلگن.
جناب حبیب‌زی میلادی 2016- ییل‌ده کابل شهردارلیگی‌نینگ سرپرستی صفتیده تعیین ایتیلدی. او، اجتماعی ترماقلرده اینگ فعال دولتی مسؤوللردن بیری صفتیده شهرت قازاندی.
