بوگون "چهارشنبه" کابل معارف وضعیتینی تیکشیریش بیرینچی کنفرانس یولگه قویلدی.
کابل حاکمی محمدیعقوب حیدرینینگ اوشبو کنفرانسگه ایتیشیچه، کابلده قطار دینی مدرسهلر طالبان گروهینینگ تعلیمات مرکزیگه اوزگهریلگن.
جناب حیدرینینگ ایتیشیچه، معلوماتلر اساسیگه، 40 مینگ‌دن آرتیق طلبهلر کابل ده تعلیمات دن محروم قالیب، 169 مکتب نینگ بیناسی بولمهی و باشقه 3 مینگ طلبه درس گه حاضر بولمهیدی.
اوشبو کنفرانسده کابل مکتبلرینینگ اوقیتووچیلریدن بیرقطاری، زمین توزیع ایتیلمهگنی، معاش زمانیده بیریلمهگنی و ایترلیچه کتاب بولمهگنی دن شکایت قیلهدیلر.
مملکت معارف وزیری میرویس بلخینینگ مذکور کنفرانسگه ایتیشیچه، معارف بولمیده قطار قیینچیلیکلر بار و خلقارا جماعهسینینگ معارف بولمیده همکارلیک قیلمهیشی اساسی قیینچیلیکلردن دیر.
جناب بلخینینگ ایتیشیچه، قوم بویوکلر و مملکت یشاوچیلرینینگ اوشبو وزارت دن حمایت قیلیشی لازم.
معارف وزیری گه کوره، مسلکی اوقیتووچیلر خصوصیده بولگن قیینچیلیکلرنی حل قیلیش اوچون سعی و حرکتلرنی دوامی بار؛ انهشو سبب 20 مینگ اوقیتووچی تکشیریش آستیگه قرار بیریلهدی.
طلبهلرنینگ تعلیماتلرگه قول تاپمهیشی، درس کتابینینگ کملیگی و مسلکی عیال اوقیتووچینینگ بولمهگنی معارف بولمیده بولگن اساسی قیینچیلیکلردن دیر. معارف وزیرلیگینینگ مسووللری هردایم مذکور قیینچیلیکلرنی حل قیلیشی دن وعده بیرگن؛ بیراق حاضرگهقدر بو خصوصده جدی حرکت بولمهگن.
