بووگون کابل‌ده «حیاتیم‌نی قوتقرگن‌ینگیز اوچون سیزگه رحمت» نامی آستی‌ده قان بیریش خلق ارا کونی ساغلیق‌نی سقلش وزیرلیگی تامانیدن نشانلندی.
افغانستان ساغلیق‌نی سقلش وزیرلیگی‌نینگ رسمیلری، مملکت‌نینگ برچه خلقی‌دن قان بیریش مدنیتی‌نی رواجلنتیریش اوچون فعال حصه قوشیش‌لرینی سوره‌گن‌لر.
کابل طب معالجوی استادی قمرالدین حافظ گه کوره، احتیاجی بولگن کیشی‌لرگه قان بیریش انسانی فدا کارلیک کورسه‌تیش دیر. شونینگ‌دیک قان بیریش باله و آنه‌لر اولیم میزانی کمیشی اوچون ییریک تاثیر بار.
عین‌حالده افغانستان‌ده بیرلشگن ملت‌لر تشکیلاتی ساغلیق‌نی سقلش نماینده‌سی‌گه کوره، قان بیریش کوپچی‌لیک‌نی اولیم‌دن قوتقره‌دی. او، افغان‌لرنی بو مدنیت‌نی رواجلنتیریش‌گه ترغیب قیلگن.
حافظ‌گه کوره، هنوزگه 27 مینگ کیشی قان بیریش اوچون رویخط‌‌‌د‌ن اوتگن‌لر. ایتیلیشیچه، بولردن 94% ایرکک‌لر تشکیل ایته‌دی.
افغانستان اوچون دنیا ساغلیق‌نی سقلش تشکیلاتی نینگ نماینده‌سی ابوزید، مراسم‌ده قان بیرگن‌لردن اوز منتدارچی‌لیگی‌نی بیلدیرگن.
هر ییلی اوشبو کون مینگ‌لب کیشی افتخاری شکل‌ده افغانستان مرکزی قان بانکی‌گه قان هدیه قیله‌دی‌لر.
بیریله‌دیگن قان‌لر طبی تیکشیروودن اوتکزیلگن‌دن کیین ساووتگیچ لرده سقلنه‌دی.
ایتیلیشیچه، مذکور قان‌لر اوروشده یره‌لنه دیگن حربی عسکرلر همده کوز یاره دیگن آنه‌لرگه صرفلنه‌دی.
قان بیریش انسان‌لرنینگ جسمی همده ساغلیق وضعیتی یخشی له‌نیشی اوچون طبی فاید‌ه‌سی بارلیگی تاکیدلنه‌دی.
