کابل بلدیه‌سی رسمی‌لری «دَیدی اِیتلر» کوپه‌یشی آلدینی آلیش اوچون خصوصی شرکت بیلن بیتیم‌گه قول قویدی. بلدیه رسمی‌لری نینگ ایتیشیچه، کیلگوسی 3 ییلگه قدر کابل شهری نینگ تازه‌لش ایشی خصوصی نهادگه بیریله‌دی. او، شوحاضر کابل شهریدن فقط 5 ناحیه‌سینی سینش اوچون خصوصی نهادگه تاپشیرگن.
کابل بلدیه‌سی نینگ وقتینچه باشلیغی عبدالله حبیب‌زی نینگ بیتیم‌گه قول قویش چاغیده، کابل بلدیه‌سی نینگ شهرنی سوتره سقلشگه کوچی ییتمه‌یدی و شو اوچون اوشبو بولیمنی خصوصی نهادلرگه تاپشیره‌دی دیگن. اونگه کوره، سیستم ایسکرگنی، ایشلاوچیلر قریگنی و اداری فساد کابل‌نی تازه‌لش بولیمیده ایریک قیینچی‌لیکلردن سنله‌دی.
کابل بلدیه‌سی باشلیغی نینگ کوپه‌یتیریشیچه، تیزلیکده کابل دریاسی‌دن بیرقسمی هم «هیبتات» دفتری یاردمیده تازه لنتیریله‌دی و اونینگ سلقش مسؤولیتی ایسه پولیس کوچلریگه تاپشیریله‌دی.
کابل بلدیه‌سی دَیدی اِیتلر کوپه‌یشی آلدینی آلیش اوچون «The Mayhew Animal Home» شرکتی بیلن بیتیم‌گه قول قویدی، مذکور شرطنامه اساسیده دَل کوچیکلرنی توغمس ایملشی، دیوانه کوچیکلر ایملشی و شونینگدیک یشاوچیلرگه شهرنی سوتره سقلش خصوصی‌ده شارواللیک ایشلاوچیلریگه یاردم بیریش تورتکی‌سی مذکور شرکت مسؤولیت‌لریدن حسابلنه‌دی.
