.jpg)
مملکت معارف و شهر قوریش ایش‌لری بوییچه وزیرلری بوگون (سه‌شنبه) کابل‌ده اوقیتوچی‌لر اوچون ینگی‌دن ایشی باشلنه‌جک زمانوی شهرچه قوریب بیریش مناسبتی بیلن اوتکزیلگن ییغین‌ده 1100 معلم گه ییر ترقه‌تیب بیریش شرطنامه‌سینی امضاله‌دیلر.
ده‌سبز تومنی‌ده مذکور شهرچه آچیلیشی مناسبتی بیلن اوتکزیلگن ییغین‌ده کابل ولایت کینگشی‌نینگ اعضالری و بیر قنچه اوقیتوچی‌لر اشتراک قیلگن ایدیلر.
شهر قوریش وزیرلیگی‌نینگ وزیری سید سعادت منصور نادری‌نینگ ایتیشیچه، اوشبو شهرچه زمانوی طلب‌لرگه ماس برچه امکانیت‌لر بیلن قوریله‌دی. او، اوشبو لایحه اوچون هنوزگچه 75 میلیون دالر سرمایه یاتقیزیلگن دیگن.
جناب نادری، هنوزگچه مملکت‌نینگ 28 ولایتیده 85775 نمره‌دن عبارت 94 شهرچه 74 مینگ جریب ییرده قوریلیش لایحه‌سی باشله‌نیب، اوقیتوچی‌لرگه ترقه‌تیلیشی اوچون معارف وزیرلیگی اختیاریگه قوییلگن دیگن.
مملکت معارف وزیری اسدالله حنیف بلخی‌نینگ سوزلریگه کوره، کابل ینگی لایحه‌سیدن اوقیتوچی‌لر اوچون 2000 یشش اوی نظرده توتیلگن. اونگه کوره، بو جمله‌دن 1100 نمره ییر اوقیتوچی‌لرگه ترقه تیلگن.
اما، اوشبو ییرلر اوقیتوچی‌لر ترقه‌تیشی مناسبتی بیلن یول‌گه قوییلگن ییغین‌ده اشتراک قیلگن محمد نذیر بارکزی، معارف وزیرلیگی‌نینگ رسمی‌لریدن، اوقیتوچی‌لرگه ترقه‌تیب بیریله دیگن ییرلر انیق له‌نیشی سوره‌گن.
جناب بارکزیگه کوره، هنوزگچه اوقیتوچی‌لرگه نیچه مرته ییر ترقه‌تیب بیریلگن، لیکن، هیچ بیر معین ییر معلم‌لر اوچون نظرده توتیلمه‌گن.
ایتیلیشیچه، مملکت اوقیتوچیی‌لریگه ییر ترقه‌تیب بیریش لایحه‌سی 1385- ییل‌ده سابق جمهور رییس حامد کرزی زمانی‌ده باشلنگن ایدی. اما، اوقیتوچی‌لرنینگ سوزلریگه قره‌گنده، اما، تیگیشلی اداره‌لرنینگ تفاوت‌سیزلیگی باعث هنوزگچه هم بو توغریده عملی بولمه‌گن.
