افغانستان تجارت و صناعت اتاغی‌نینگ مسوول‌لری، بو اداره تامانیدن اوتکزیلگن ینگی تیکشیروده برق سیزلیک سبب محصولات ایشلب چیقارووچی 600 خارخانه ایش دن قالگن دیگنلر. ایتیلیشیچه، بو فابریکه‌لرنینگ ایگه‌لری کونده بیر میلیون دالر زیان کوره‌دی.
تجارت و صناعت اتاغی‌نینگ اورین باسری خان‌جان الکوزی‌گه کوره، وضعیت شونده‌ی دوام ایتگن حالده، کیلگوسی بیر آیگه قدر برچه ایشلاوچیلرینی رخصت قیله دیلر.
قورال‌لی طالب‌لر بوندن اوچ هفته آلدین بغلان‌نینگ دندشهاب‌الدین منطقه‌سیده برق پایه‌لریدن نیچه ته سینی پارتله تیب یوبارگن ایدی. مذکور برق پایه‌لر ایشدن چیقاریلیشی بیلن اوزبیکستاندن کابل‌گه کیله‌دیگن280 میگاوات برق‌نینگ جریانی کیسیلیب قالدی.
.jpg)
اوچ هفته‌دن سونگ افغان ملی کوچلری جنگری طالب‌لر نظارتی‌ده بولگن منطقه‌نی اوز تصرفیگه آلدی، لیکن هنوز هم برشنا شرکتی نینگ رسمیلریگه پایه‌لرنی قیته تیکلش اوچون رخصت بیریلمه‌گن. ایتیلیشیچه، بو محل هنوز هم اوزاق‌دن طالب‌لر آرقه‌لی تهدید آستیگه آلینه‌دی.
افغانستان تجارت و صناعت اتاغی‌نینگ اورین باسری خان‌جان الکوزی، کابل‌نینگ برقی نیچه کون ایچیده قیته باغلنمه‌گن تقدیرده، حاضر بعضی فابریکه‌لرده ایش قیله دیگن ملازملری ایشدن آلینیشی باره‌سیده آگاهلنتیرگن.
برق بولمه‌گن‌لیگی فابریکه‌لرنی قیین چلیک بیلن روپه ره قیلگن، رسمیلر، حکومت‌دن بو مساله جدی شکلده حل ایتیلیشی‌نی سور‌ه‌‌گنلر.
شونینگ‌دیک رسمیلری، مملکتده‌گی محصولات ایشلب چیقارووچی فابریکه‌لر لازم برق بیلن تامین ایتیلمه‌گن حالده، منطقه دولت‌لریدن کیلتیریله دیگن تَورلر بیلن رقابت قیلیش‌نی قولدن بیره‌دی دیگنلر.
افغانستان حکومتی‌نینگ رهبرلری هر دایم اهالی‌نی ایش جایی بیلن تامینلیش بیرینیچی ایشلر بولگن لیگی باره‌سیده تاکیدله‌لب کیلگن‌لر، بیراق، برق‌سیزلیک بیلن قینده‌ی قیلیب اهالی‌نی ایش جایی بیلن تامینلش ممکن.
