روزه آیی‌ده ییگولیک ماده بهاسی کوپه‌یگنیدن تنقید قیلگن باشکینت یشاوچیلریدن بیرقطاری‌نینگ ایتیشیچه، هر ییل دکاندارلر سبب سیز اوشبو آیده ییگولیک ماده بهاسینی یوقاری قیله‌دی؛ بیراق حکومت بازارنی نظارت قیلمه‌یدی.
کابل یشاوچیلریگه کوره، ییگولیک ماده بهاسی کوپه‌ییشی اولرنی کوپینچه قیین‌چیلیککه روپه‌ره قیله‌دی.
باشکینت یشاوچیلریدن ایکی کیشی‌نینگ ایتیشیچه، باشقه اسلامی مملکت‌لرده روزه آیی‌ده ییگولیک ماده بهاسی قویی کیله‌دی، بیراق افغانستانده عکسینچه بوله‌دی. عین حالده، اهالی‌نینگ اقتصادی وضعیتی یخشی بولمه‌گنی سبب، نیاز بولگن نرسه‌لرینی ساتیب آله آلمه‌یدیلر.
شونینگدیک، کابل شهریده‌گی مندوی دکاندارلری، ییگولیک ماده بهاسی کوپه‌یگنینی تصدیق‌له‌یدی. اولرنینگ ایتیشیچه، هر بیر کیلو لوبیا، نخود و دال بهاسی گه 10 افغانی اوزگریش کیلگن؛ اوتمیش‌لرده بیر بوجی اون 1080 افغانی ایدی و حاضر 1150 افغانی گه ییتیشگن؛ بیر بوجی برنج 2050 افغانی دن 2200 افغانی گه ییتیشگن و بیر بوشکه 16 لیتره یاغ هم 1020 افغانی دن 1070 افغانی گه ییتیشگن.
سلام‌وطندارگه صحبت بیرگن سرمایه یاتقزیش، صنعت و سوداگرلیک وزیرلیگی سوزلاوچیسی مسافر قوقندی، کابل بازاریده ییگولیک ماده بهاسی کوپه‌یگنینی تصدیق‌لب ایتیشیچه، اولر خصوصی بولیم همکارلیگی‌ده بازارده ییگولیک ماده بهاسی کوپه‌یگنینی نظارت قیلیش اوچون بیر کمیته ایجاد قیلگن و ییگولیک ماده‌نی مناسب بهادن یوقاری ساتگن کیشی‌لر قانونی حرکت‌گه دوچ کیله‌دی.
باشکینت بازاریده هر ییل روزه آیی‌ده ییگولیک ماده بهاسی یوقاری کیته‌دی و حکومت رسمی‌لری ایسه بازار نظارت قیلینیشی‌نی ایته‌دی؛ لیکن حاضرگه‌قدر بو سوزلر عمل‌گه آشیریلمه‌گن.
