کابل شهری نینگ آلتینچی حوزه‌سی بوگون ایرته‌لب ساعت 9 اطرافیده کوچلی بیر پارتلش گه گواه بولدی و بو واقعه نتیجه‌سیده 200 گه یقین کیشی هلاک ایتیلیب و یره‌لنگن.
خودکش هجومچی پارتلاوچی ماده توله بولگن موترنی کابل شهری نینگ آلتینچی حوزه‌سینی کیریش ایشیگی ده پارتلتگن و بو پارتلش جوده هم کوچلی بولگنی باعث، سیسی نیچه کیلومترلیک ده ایشیتیلگن.
طالبان گروهی بیر خبرنامه صادر قیلیب و بو هجوم مسؤولیتی نی بوینیگه آلگن و مذکور گروه نینگ ایتیشیچه، بو هجوم جلب و جذب مرکزلریدن بیریده عمل گه آشیریلگن.
اوشبو هجوم یوز بیرگنیدن 6 ساعت اوتگنیدن سونگ، کابل ده خبری بیر ییغین اوتکزگن ایچکی ایشلر وزیرلیگی نینگ خوفسیزلیک ایشلری بوییچه ییریک اورین باسری خوشحال سادات نینگ ایتیشیچه، بو واقعه ده 14 کیشی هلاک و باشقه 145 کیشی یره‌لنگن.
جناب سادات گه کوره، اوشبو واقعه یره‌دارلریدن 92 ته‌سی تینچ اهالی دیر.
جناب سادات نینگ ایتیشیچه، طالبان گروهی یوزمه یوز اوروش ده مغلوب ایتیلگن و شو یوزه‌دن خودکش هجوملرگه قول اوریشه‌دی.
واقعه گواهلری نینگ ایتیشیچه، پارتلش جوده هم کوچلی بولگنی باعث، واقعه محلی نینگ نیچه یوز مترلیگی ده بولگن بِنالرنی شیشه لری سینگن.
جمهورلیک ریاست سرایی و اجراییه ریاستی، اَیری شکلده خبرنامه ترقه‌تیب بوگونکی یوز بیرگن ترورچیلیک هجومنی قتیق قاره‌لب و طالبان گروهی نینگ بو هجومی‌نی تینچلیک سوزلشوولری جریانیدن امتیاز طلب‌لیک دیگن.
عین حالده، ملی خوفسیزلیک عمومی ریاستی بیر خبرنامه صادر قیلیب ایتیشیچه، اوتگن کیچه کابل ولایتی نینگ بگرامی تومنی، سکیزینچی و اون بیشینچی ناحیه‌لریده داعش گروهی گه قرشی ملی خوفسیزلیک، ملی حربی و ملی پولیس کوچلری تامانیدن قوشمه عملیات یولگه قوییلگن و مذکور گروه نینگ ایکی خودکش هجومچیسی هلاک ایتیلگن.
شونینگدیک، ملی خوفسیزلیک ریاستی نینگ خبرنامه‌سیده کیلیشیچه، بو عملیات جریانیده ملی خوفسیزلیک و ملی پولیس نینگ خاص عسکرلریدن 3 ته‌سی هلاک ایتیلگن، بیراق بو عملیات نتیجه‌سیده، کابل شهریده نیچه ترورچیلیک هجومنی آلدی آلینگن.
ملی خوفسیزلیک ریاستی، اوتگن کیچه یولگه قوییلگن عملیاتدن مقصد، کابل شهریده داعش گروهی نینگ خودکش ییلک و پارتلاوچی موتر توزه‌تیش کارخانه‌سینی نابود قیلیش دیگن.
عین کونده هرات شهری هم بیر پارتلش گه گواه بولدی. هرات محلی مسؤوللری نینگ ایتیشیچه، بوگونکی پارتلش بیر موترده جایلشتیریلگن مقناطیسی ماین دن کیلیب چیققن و نتیجه‌ده عیاللر و باله‌لر شامل 8 کیشی یره‌لنگن.
