افغانستان عالی اوقوو وزیرلیگی تامانیدن یشش محیط و سوو ملی تدقیقات مرکزی ایجاد ایتیله‌دی. مذکور وزیرلیک رسمی‌لری‌نینگ ایتیشیچه، اوشبو مرکز جمهور رئیس‌نینگ بویروغی اساسیده ایجاد ایتیلیشی ممکن.
بوگون «سه‌شنبه» کابل‌ده اوتکزیلگن خبری بیر ییغینده عالی اوقوو وزیرلیگی‌نینگ سوزلاوچیسی فیصل امین، مذکور وزیرلیک‌نینگ کیله‌جک برنامه‌لری و ایش‌لری توغریسیده معلومات بیرگن.
جناب امین نینگ ایتیشیچه، جمهور رئیس غنی عالی اوقوو وزیرلیگی گه کابل ده بیر یشش محیط و سوو ملی تدقیقاتی مرکزی ایجاد قیلیشی خصوصیده بویروغ بیرگن.
عالی اوقوو وزیرلیگی‌نینگ سوزلاوچیسی گه کوره، اوشبو برنامه جمهور رئیس غنی نینگ اوزی آرقه‌لی آلغه آلیب باریله‌دی.
افغانستان عالی اوقوو وزیرلیگی‌نینگ رسمی‌لری، سونگی ییل‌لر مملکت‌ده قوروقچیلیک تهدیدلریدن خواطرلر کوپه‌یگن بیرچاغده، یشش محیط و سوو ملی تدقیقات مرکزی ایجاد ایتیلیشی‌دن خبر بیره‌دیلر.
