.jpg)
بوگون «پنج‌شنبه» کابل‌ده 50 یاش قیز و اوغیل بیر ییرده توپله‌نیب بیش محلی رقص‌نی عمل‌گه آشیریب محلی رقص‌لر فیستوالی‌نی یولگه قویگن‌لر.
اوشبو فیستوالنی یولگه قویگن‌لردن بیری نجیب فرزادنینگ سلام‌وطندارگه ایتیشیچه، بو فیستوال‌ده اجرا ایتیله‌دیگن محلی رقص‌لر تاریخی دیر، بیراق سونگی پیت‌لرده اونوتیلگن. جناب فرزادگه کوره، قیز و اوغیل‌لر بیر دوره محلی رقص‌لر تعلیماتی آلگن‌لریدن کیین بو فیستوال گه قوشیلگن‌لر.
یولگه قوییلگن فیستوال‌ده مرکزی منطقه‌لرگه عاید محلی رقص‌لردن پشوپو، اخغوچی، غرمبروک و جنوبی منطقه‌لرگه عاید محلی رقص‌لردن ختک رقصی نمایش ایتیلگن.
جناب فرزادگه کوره، بو فیستوال یولگه قوییلیشی‌دن مقصد افغانستان‌نینگ بومی مدنیتی‌نی سقلش و قیته‌دن رواجلنتیریش دیر.
.jpg)
محلی رقص‌نی اجرا ایتگن عیاللردن بیری قدریه آذرنوش‌نینگ سلام‌وطندارگه ایتیشیچه، بیر آی جریانیده تمرین قیلیب پشپو محلی رقصی‌نی اورگنگن و بو رقص‌نی آلتی کیشی‌لیک بیر گروه بیلن اجرا قیله‌دی. خانم آذرنوش‌نینگ ایتیشیچه، رقص اورگه‌نیش زمانیده ایریم قیین‌چیلیک‌لر جمله‌دن جای یوقلیگی، یشاوچیلرنینگ سلبی توشونچه‌سی و رقص گه عیاللرنینگ علاقه‌سیزلیگی‌گه دوچ کیلگن.
شونینگدیک، اوشبو فیستوال تماشاچی‌لری بونده‌ی برنامه‌لر یولگه قوییلیشی‌دن خرسندلیک بیلدیریب ایتیشیچه، بونده‌ی برنامه‌لر کوپراق یولگه قوییلیب و شونینگدیک، حکومت بو برنامه‌لردن حمایت قیلیشی کیره‌ک.
بو فیستوال باشکینت‌ده جایلشگن بابر باغی‌ده آغاخان بنیادی‌نینگ همکارلیگی بیلن آسیا مدنیت اویی تامانیدن یولگه قوییلگن.
