31- حمل چین جمهور رییسی شی جین‌پینگ ایکی کونلیک سفر آرقه‌لی پاکستان کیلدی.
مذکور سفرده ایکی تامان چین-پاکستان اقتصادی یولی توزه‌لیش اوچون سوزله‌شیلدی. ایتیلیشیچه، مذکور یول توزه‌لیشی افغانستان نفعی‌گه دیر.
گزارشلرگه کوره، ینگی توزه‌تیله دیگن یول چین اولکه سینی پاکستان و اورته شرق طریقی‌دن اروپا و افریقاگه قوشه دی.
مذکور 3000 کیلومتر اوزون توشگن سوداگرلیک یول، چین اولکه‌سی‌نینگ کاشغرشهریدن باشله‌نیب، پاکستان بلوچستان گوادر بندریگه ایته‌دی.
اوشبو سوداگرلیک اوزون یول نورستان، کنر و ننگرهار ولایت‌لریدن اوتیشی بیلن افغانستان هم نفع کوره‌دی.
بویول توزه‌لیشی اوچون 46 میلیارد دالر هزینه کوتره‌دی و کیله‌سی میلادی 2030- ییل‌گچه مذکور یولدن ایش آلیش امکانی کوزه‌تیلگن. اوشبو اقتصادی یول بیلن تیمیریول و گاز لوله‌سی‌نینگ خطی هم توزه‌تیله‌دی.
جناب شی ایکی کونلیک سفریده پاکستان بیرینچی وزیری نواز شریف و جمهور رییس ممنون حسین بیلن اوچره‌شه‌دی.
پاکستان، چین جمهور رییسی‌نی بو اولکه‌ده کیلیشی‌نی تاریخی کونلردن دیب عنوان قیلدی.
چین جمهور رییسی‌نینگ 9 ییل‌دن کیین بیرینچی مرته پاکستان کیلیشی ایتیلماقده.
بو یولنی توزه‌لیش ایشی باشله‌نیشی بیلن اسلام آباد، اقتصادی قیینچی‌لیک‌لری حل ایتیلیش‌گه کوز توته‌دی.
موندن آلدین هم چین جمهور رییسی پاکستان سفرقیلماقچی ایدی؛ اما ایریم دلیل‌لر باعث 3 مرته سفری کیینگه توشدی.
ایتیشلرگه کوره، اوشبو سفرده چین اولکه‌سی پاکستان‌گه 8 دریا تگیده فعالیت قیله دیگن ناوگانلرنی هم ساتیشی اوزنهایه سیگه ایته‌دی و مذکور کیلیشیک بولگن صورتده پاکستان ناوگانلری ایکی برابر بولیشی ممکن.
ایش بیلرمانلرگه کوره، چین اولکه‌سی‌نینگ بو ایشی پاکستان‌نی دریایی قورالگه قول تاپتیریش امکانیتی‌نی بیره‌دی و مذکور حرکت پاکستان بیلن رقیبی هندنی قرمه قرشی‌لیک‌لرینی کوپه‌یتیریشی ممکن.
مذکور سفرده شی جین‌پینگ خاتی‌نی هم کیلگن.
