.jpg)
چین، هنان شهری‌نینگ تانگ‌ژو منطقه‌سی‌ده گوزل طبیعی منظره‌لر و کینگ ایکینچیلیک ییرلرنی تماشا قیلیش‌گه بارگن کیشیلر، 37 متر بلندلیگی بولگن آلتین بیر هیکل‌گه روپه‌ره بولمس لیگی نا ممکن. چین‌نینگ کمونیستی انقلاب رهبری ماووتسه تونگ‌نینگ هیکلی اوزاق‌دن کولیب تورگن‌دیک کورینه‌دی.
ایندیپندنت گزارشی اساسی‌ده، ماووتسه تونگ‌نینگ آلتین رنگلی هیکلی جدی و متفکر شکلده چوکی‌گه تکیه قیلیب و قیلگن انقلابی‌گه فخرلنه‌دی. اوشبو هیکل 640 مینگ دالر خرجت کوتریب، هنان شهری‌نینگ یشاوچی‌لری و محلی ایشلاوچی‌لر یاردمی بیلن توزه‌لگن.
.jpg)
چین‌نینگ کمونیستی انقلاب رهبری ماووتسه تونگ (1893 دن 1976) ییل‌گچه چین جمهوریتی تشکیل ایتیلگنی‌دن باشلب عمری‌نینگ اداغیگچه اوشبو مملکت‌ده حکومت قیلگن. ماوویسم، مارکسیستی و لنینیستی اندیشه‌لریدن کوتریلگن و چین‌ده کوپلب طرفدار تاپگن. ماوو چین خلقی‌نینگ آته‌سی دیب اتلگن. او کوپینچه کیشیلر جمله‌دن چین‌نینگ حاضرگی جمهور رییسی تامانیدن استثنایی کیشی صفتیده تانیلگن.
ماوونینگ آلتین هیکلی 9 آی ایچیده توزه‌لگن و ینگی میلادی ییل باشله‌نیشی بیلن رسمن کورگزمه‌گه قوییلدی. چین دولتی‌نینگ اقتصادی سیاست تنقیدچی‌لریدن بیرقطاری، حاضرگی شرایط‌‌‌ده بونده‌ی بیر هیکل قوریلیشی‌نی سرمایه حرام قیلیش دیب بیله‌دی. باشقه بیر قطارلر، ماووی‌نینگ 37 مترلیک هیکلی اوزاق منطقه‌ده جایله‌شینی، سیاحت‌چیلر اوچون نامناسب دیگن‌لر.
1950- دهه‌ده اوشه زمانده‌گی کمونیستی دولت‌نینگ قتیق سیاست‌لری باعث، میلیون‌لرچه چین‌لیک تانگ‌ژو منطقه‌سی‌ده آچلیک و قشاقلیک‌دن جان بیرگن‌لر.
