غربی شرکتلر چابهار بندری توزه‌تیلیش و مذکور بندر یوکسه‌تیلیش باره‌سیده اوسکونلرنی ساتیشدن چیکینگنلر. رویترز خبرگزارلیگی‌نینگ گزارشیگه کوره، چیکینیشلر اصلی علتی ایران اوستیگه امیریکه نینگ کیلتیرگن تحریم‌لری و بانکی چیکلاولر ایتیلگن. هند رسمیلری‌نینگ ایتیشیچه، بانکی چیکلاولر سبب بولگن چابهار بندری ایشلری توخته‌لیشیگه سبب بولگن.
تجارت و صناعت اتاقی‌نینگ رسمیلری، ایران اوچون چابهار بندری یوکسه‌تیش و قوریش موضوعی مملکت سوداگرلیک و سرمایه یاتقیزیش اوستیده سلبی تأثیر تشلیدی و افغانستان ینه پاکستان‌گه احتیاج بولیب ایچکی یوزدن آشه شرکتلرنینگ سرمایه یاتقیزیشی هیچ بوله‌دی.
تجارت و صناعت اتاقی‌نینگ سوزلاوچیسی صیام پسرلی‌نینگ سلام‌وطندارگه ایتیشیچه، افغانستاننی جنوبی آسیا مملکتلری بیلن باغله‌نیش اوچون چابهار بندری این یخشی و تجارتی یول ایدی و مذکور بندر ایشی توخته‌لیشی افغانستاننی ینه قیینچی‌لیکلر بیلن روپه‌ره قیله‌دی.
او، اقش‌نینگ ایران‌گه صادر قیلگن تحریم‌لری و چابهار نبدری‌نینگ ایشی توخته‌لیشی افغانستان تجارتیگه ۵۰ فایز سلبی تأثر تشله گنینی تیلگه آله‌دی.
اما تجارت و صناعت وزیرلیگی‌نینگ سوزلاوچیسی مسافر قوقندی‌نینگ ایتیشیچه، ایران و هند اورته‌سیده تاپیلگن حاضرگی قرمه قرشی‌لیکلرگه افغانستاننی هیچ قنده‌ی نقشی یوق.
چابهار بیتیمی ۱۳۹۵-ییل افغانستان، ایران و هند مملکتلری ارا اوچ مملکت باشلیغی اشتراکیده ایران باشکینتی تهرانده امضا قیلیندی.
چابهار بندری بندرعباس و کراچی بندرلریگه قره‌گنده ترتیب اساسیده ۹۰ و ۷۰۰ کیلومتر افغانستان مرکزیگه یقین ایدی و بو یقین‌لیک افغانستان تجارلریگه باشقه بندرلردن کوره ۲۰ فایز کالالرینی تیزراق مقصدجایگه ایتکیزیش کوچیگه ایگه ایدی.
بیر کانتینر کالا هزیزنه‌سی اوشبو بندر آرقه‌لی تجارگه ۵۰۰ دن ۱۰۰۰ مینگ دالر حاضرگی بندرلردن افغانستان‌گه کالا کیلتیره‌دیگن بندرلردن ارزان توشردی.
