بېخوبي او کمخوبي د خطرناکو ناروغیو لکه د زړه حملې، سرطان او شکرې سبب کیدی شي.
خو د ستکهلم پوهنتون څېړونکي وايي، بېخوبه کسان کولی شي ۵ یا ۶ ورځې بېخوبي د اوونۍ په روخصتیو کې جبران کړي او د بېخوبۍ لهامله د احتمالي ناروغیو رامنځته کېدو مخنیوی وکړي.
په دې څېړنه کې پوهانو د بېخوبۍ اړیکه د وګړیو له مرګ سره څېړله ده. د پوهانو دغې ډلې په ۱۳ کلونو کې د ۳۴زره او ۸۸۰ تنو خوب او صحت څېړلی دی.
د څېړنې پایله ښيي له ۶۵ کلونو کمعمره کسان چې په اوونۍ کې له ۵ ساعتونو کم خوب کوي، د هغو وکړیو په پرتلې چې له ۶ تر ۷ ساعتونو خوب کوي ۵۳ سلنه یې د ناببره مرګ امکان ډېر دی.
د همدې څېړنې پر بنسټ هغه کسان چې د اوونۍ په اخر کې ډېر خوب کوي د هغو کسانو په څېر هوسا دي چې د اوونۍ په اوږدو کې له ۶ تر ۷ ساعتونو خوب کوي.
له دې ټولو سره ـ سره څېړنه ښيي، هغه کسان چې په یوې شپې او ورځ کې له ۸ ساعتونو زیات خوب کوي د ناببره مرګ امکان یې موجود دی.
