نن په کابل کې د غیردولتي موسسو لومړۍ ملي غونډه جوړه شو.
د اقتصاد وزیر مصطفی مستور غونډې ته وویل چې د هېواد ځېنو داخلي موسسو کورنۍ سوداګرۍ ته مخه کړېده.
د ښاغلي مستور په وینا، د دغو موسسو مالي سرچینې هم روښانه نهدي.
د افغانستان د اقتصاد وزیر وايي چې وروسته لهدې د غیردولتي موسسو د انحلال په اړه جدي دی او له دوی سره به د قانون لهمخې چلند وکړي.
په ورته وخت کې ولسمشرمحمداشرف غني پهدې غونډه کې وویل چې د افغان حکومت او نړۍوالو بنسټونو او غیردولتي موسسو ۱۷ کلنې همکارۍ تر څنګ کابل ښار بیا هم د ژوند لهپاره مناسب نهدی.
ښاغلي غني کابلښاریانو ته ډاډ ورکړ چې کابل به درې ـ څلور کاله وروسته د بنسټیزو بدلونونو شاهد وي.
غیردولتي موسسو په افغانستان کې تر دامهاله له ۵ زرو نه په ډېرو پروژو له ۸۵۰ میلیونو ډېر ډالر لګولي چې کارونه یې تر ډېره له نیوکو سره مخ دي.
