پکتیکا باجخانه سیده ییرک فساد موجود

پکتیکا ولایت باجخانه سی نینگ درآمدی نینگ کته قسمی یوقاله دی. پکتیکا ولایت کینگشی نینگ باشلیغی و اعضالری ولایت باجخانه سی نینگ درآمدی ولایت بلند مرتبه لی رسمی لری طرفیدن حیف و میل ایتیله دی دیگنلر. ولایت کینگشی نینگ باشلیغی عبدالرووف رزدان گه کوره، هر کیچه ناقانونی شکلده 40 ته موتر یوکلنیب، محصول بیرمسدن باجخانه دن اوته دی. شونینگ دیک بیر قطار موتر هیداوچی لرنینگ سوزلریگه کوره، کونده 40 موتر یوکله نیب گردیز، نیستی کوت و میرز تومنیده ییغیلیب، کیچه تاماندن دلاللر همکارلیگی بیلن یاشیرون طرزده چیقاریله دی. بو لر محصول توله مس دن قاچاق یول بیلن اوزلرینی چیقاره دیلر. سلام وطندار ترماغی بیلن صحبت اوتکزگن ولایت کینگشی نینگ باشلیغی نینگ سوزلریگه کوره، بیر قطار کیشی لر پلانلشتیریلگن شکلده صادرات و واردات تَورلرنی محصولی نی توله مسدن پول نی اوز اورته لریده بولیب آله دی لر. انه شو باعث پکتیکا باجخانه سی نینگ درآمدی کمیگن لیگی گه سبب بولگن.

پکتیکا ولایت کینگشی نینگ کاتبی محمد رحمان قادری، بو فسادگه ولایت امنیتی اداره لری نینگ رسمیلری قوللری بارلیگی نی ایتگن. اما، پکتیکا ولایت باجخانه سی نینگ مدیری حفیظ الله کمال، بو ادعا لرنی رد قیلیب ایتیشیچه، باجخانه درآمدی حیف و میل ایتیلیشی اوچون هیچ کیم گه رخصت بیرمیدی. جناب کمال، درآمد کم بولگن لیگی اداری فسادگه علاقه سی یوق دیگن. شونینگ دیک پکتیکا باجخانه اداره سی نینگ مسووللری، موتر لر باردی کیلدی سی اوچون فرعی یوللر بارلیگی نی تصدیق لب، مذکور یوللر امنیتی تامین ایتیلیشی ملی کوچلر ذمه سیده دیگن. پکتیکا پولیس قوماندانی قادرگل زردان نینگ سوزلریگه قره گنده، موتر لر قاچاقی آلدی آلینیشی اوچون ولایت امنیتی کوچلری جدی شکل ده چاره تدبیر آلگن لیک لرینی بیلدیرگن. بونگه قره می، پکتیکا باجخانه سیده گی موجود فساده مجلس اعضالری همده ولایت کینگشی بیر قطار لری نینگ قوللر بارلیگی ایتیله دی .