پکتیا یشاوچیلری وقتینچه‌لیک حکومت تشکیل ایتیلیشی توغریسیده بولگن سعی و حرکت‌لرنی قاره‌لگن.
پکتیا ولایتی بوییچه نجات کینگشی مسؤوللری، پاکستان باش وزیری نینگ سونگی بیاناتی گه قرشی عکس‌العمل بیلدیریش اوچون گردیز شهریده بیر ییغین اوتکزیب ایتیشیچه، افغانستان یشاوچیلرینینگ تقدیرینی بیگانه‌لرگه تاپشیرمه‌یدیلر و ملی منفعت‌لرنی سوراققه دوچ قیلیش اوچون کیم‌سه گه رخصت بیرمه‌یدیلر.
پکتیا ولایتی بوییچه نجات کینگشی باشلیغی تاج گردیزی نینگ ایتیشیچه، مملکت‌ده قطار کیشی‌لر تینچلیک نامی‌ده اوز شخصی منفعت‌لری اوچون ایشله‌یدیلر و چیت‌ایللیک‌لرنینگ ایسته‌گی بیلن وقتینچه‌لیک حکومت ایجاد قیلیش خصوصیده سعی و حرکت قیله‌دیلر.
پکتیا ولایت کینگشی اعضاسی محمدرحمان قادری نینگ ایتیشیچه، وقتینچه‌لیک حکومت ایجاد ایتیلگن صورتده، اوتمیشلرده بولگن اچیق تجربه‌لر تکرارلنه‌دی.
جناب قادری، سیاستچی‌لر و سیاسی حزب‌لردن بیگانه‌لرنینگ ایستک‌لرینی تمثیلچی‌لری بولمس‌لرینی طلب قیلدی.
اوشبو بیانات‌لر مطرح ایتیلیشیدن ایکی کون آلدین، پاکستان باش وزیری عمران خان، تینچلیک تأمین‌لنیشی اوچون افغانستانده وقتینچه‌لیک حکومت ایجاد ایتیلیشی اوستیگه تأکیدلگن ایدی.
شونینگدیک، بوندن آلدین مملکت سیاستچی‌لریدن بیرقطاری، وقتینچه‌لیک حکومت ایجاد ایتیلیشی یا-ده جاری ییل، 1- جوزا دن سونگ، قدرت سرپرست گه تاپشیریلیشینی سوره‌گن ایدیلر.
