د پکتیا په مرکز ګردېز کې د واورې د ورېدلو او سړې هوا پرمهال نن سلګونه ځوانان، قومي مشران، د ولايتي شورا غړي او مدني فعالان د افغان ځواکونو په اړه د طالبانو وروستي دريځ په غبرګون کې راټول شويوو.
دوی د امنیتي ځواکونو نه د ملاتړ په اعلانونو سره په سړکونو روان وو او شعارونه یې ورکول چې د افغان امنیتي ځواکونه د دې هېواد رښتیني اتلان دي.
لاریونوالو وويل، طالبان دې د پرديو استخباراتو په لارښوونه له تخريبي خبرو لاس واخلي او له افغان حکومت سره دې د سولې مخامخ خبرې وکړي.
دوی په روسيه کې د سولې په تړوا د جوړېدونکې غونډې مخالفت وکړ او ویېويل چې ورغلي کسان د افغانانو استازيتوب نهشي کولی.
لاریونوالو د موقت حکومت د راتلو پر خلاف خپل غږ اوچت کړ او ویې ویل چې د خپلو امنیتي ځواکونو تر شا ولاړ دي.
ورته مطالب:
طالبان هم د مسکو په غونډه کې ګډون کوي
د سولې عالي شورا استازي د مسکو غونډه کې ګډون کوي
افغانستان د سولې لهپاره د مسکو همکارۍ ژمنې هرکلی وکړ
پخوانی ولسمشر حامد کرزی او د هغه ګڼ همکاران، د افغانستان د ولسمشرۍ ټاکنو احتمالي نوماند حنیف اتمر او ځېني نور سیاستوال ـ چې په اوسني حکومت کې دنده نهلري لکه محمد محقق، عطا محمد نور، محمد یونس قانوني، اسماعیل خان، حکمت خلیل کرزی، عبدالهادي ارغندیوال او داسې نور مشران د عباس ستانکزي په ګډون د طالبانو لس کسیزه ډله ـ د دې غونډې ګډونوال دي.
بل لوري ته افغان سرتېري وايي، تر پخوايې يې روحيه پياوړې شوې او په مېړانې سره به د خپلو ولسونو او خاورې ساتنه وکړي.
ولسمشر محمد اشرف غني هم پرون په خپلو خبرو کې په ټینګار سره وویل، هېچا ته به اجازه ورنه کړي چې د پخوا په شان د ملي اردو وسلې او نور تجهيزات کباړ او نورو هېوادونو ته قاچاق کړي.
