پکتیا مرکزیگه قرهگنده تومن و شهر اطرافیده خذمت قیلهدیگن دایهلرنینگ حقوقیگه بولگن فرق اهالینی قیین چیلیککه دوچارقیلگن. ییلده اونلب خاتین – قیز دایهلیک بولیمیده تعلیم کوره دیلر؛ اما کوپینچه دایهلر آیلیکلرده فرق بولگنی باعث پکتیا مرکزیده قالیب ایشلشگه قیزیقه دیلر.
بوندن تورت ییل آلدین دایهلیک ساحهسیده تخصص کورگن خانم فرشته، مادامیکه تومنلردن کوره ولایت مرکزیده یخشی آیلیک بیریلر ایکن هیچ بیر زمان ولسواللیکلرگه باریب خذمت قیلیشنی ایسته مسلیگینی تیلگه ایتهدی. خانم فرشته، پکتیا مرکزی هر لحاظدن تومن و اطرافلردن کوره افضل دیدی. هر بیر قابله نینگ آیلیگی مرکزده 500 دالر حال بوکه هر بیر دایه اوچون ولایت تومنی و اطرافلرده 250 دالر نظرده توتیلگن دیدی خانم فرشته.
بو قیین چیلیکلرنی تصدیق لهگن خاتین – قیزلر فعالی ینه ولایت سابق ساغلیقنی سقلش ریاستی نینگ باشلیغی دکتر نازدانه، کوپینچه قیزلر اوشبو مرکزده تحصیل کوریش اوچون تنلنه دیلر؛ بیراق تحصیلنی بیتیرگندن کیین تومنلرگه باریب خذمت قیلیشنی ایسته میدیلر دیگن.
اما، ولایت ساغلیقنی سقلش مرکزی نینگ باشلیغی شیرمحمد نقشبندی، ولایت بویلب شفاکارلر و قابلهلرگه بیریله دیگن آیلیکده هیچ قندهی فرق یوق دیگن. جناب نقشبندی، ایریم نا دولت تشکیلات بعضی بیر خانملرنی ایشگه آلیب کته مقدارده معاش بیره دیلر بو مساله اوشه اداره نینگ اوزیگه قرهشلی ایکن لیگینی تیلگه آلگن.
حاضرگی کونده پکتیا ولایتی بویلب 65 قابله و دایه فعالیت قیلیب کیلهدیلر.
