پکتیا یشاوچی‌لریدن بیرقطاری‌نینگ ایتیشیچه، اوشبو ولایت محلی رسمی‌لری امنیتی تهدیدلر باعث، عمومی جاده‌لر و ایریم کته یوللرنی توسگن‌لر و بو موضوع اولرنینگ کوپینچه قیین‌چیلیک‌که روپه‌ره قیلگن.
عین حالده، پکتیا پولیس قومندانلیگی مسؤوللری‌نینگ ایتیشیچه، اوشبو یوللردن بیرقطاری آچیلیشی توغریسیده سعی و حرکت قیله‌دیلر؛ بیراق کوپه‌یتیریشیچه، بو یوللردن بیرقطاری امنیتی تهدیدلر باعث، یاپیق قاله‌دی.
احمدآباد کته یولی، پکتیا پولیس قومندانلیگی کته یولی و پکتیانینگ باشقه بیرقطار عمومی جاده‌سی امنیتی تهدیدلر باعث، یاپیلگن‌لر.
پکتیا یشاوچی‌لریدن ایکی کیشی محمود و حاجی محمدولی‌نینگ ایتیشیچه، اولر کسل‌لرینی یوللر توسیقلیگی باعث، تیزلیک‌ده کسلخانه گه ییتکیزه آلمه‌یدی و اولر تیزلیک‌ده یوللر آچیلیشی‌نی سوره‌یدیلر.
پکتیا ولایت کینگشی اعضاسی تاج‌محمد منگل‌نینگ ایتیشیچه، قیین‌چیلیک‌دن خبردارلر و بونگه ییچیم یول تاپیش اوچون سعی و حرکت قیله‌دیلر. اونگه کوره، یوللر توسیقلیگی اهالی‌نی کوپینچه قیین‌چیلیک‌که روپه‌ره قیلگن؛ بو یوللر آچیلیشی کیره‌ک.
پکتیا پولیس قومندانلیگی مطبوعات مسؤولی سردار ولی تبسم، یوللر توسیلگنینی قبول قیلیب و کوپه‌یتیریشیچه، اوشبو یوللر قیته‌دن آچیلیشی اوچون سعی و حرکت دوام ایتماقده.
جناب تبسم گه کوره، پکتیا پولیس قومندانلیگی اوچون ینگی بِنا قورولگونگه‌قدر، پکتیا پولیس قومندانلیگی‌نینگ کته یولی یاپیق قاله‌دی.
قتناو یوللر و عمومی جاده‌لر توسیقلیگی نه‌فقط پکتیا یشاوچیلرینی قیین‌چیلیک‌که روپه‌ره قیلگن، بلکیم ترافیکی واقعه‌لر کوپه‌ییشی‌گه سبب بولگن.
