یو ځانمرګي بریدګر نن سهار ۵ بجې د کابل د نهمې حوزې اړوند په بنایي سیمه کې د نیپاليانو یو موټر په نښه کړ.
د کورینو چارو وزارت په یوه خبرپاڼه کې تایید کړې ده، چې بریدګر په دې حمله کې ۱۴ تنه نیپالیان وژل شوي او د ۵ نیپالیانو تر څنګ ۴ افغانان هم ټپيان شوي دي.
دا برید په داسې مهال وشو، چې نيپالیان له خپل خپل استوګن ځای نه د کانډا سفارت ته د وزیر اکبر خان پر دیارلسم سړک روان وو.
د ځايي اوسېدونکیو پر وینا، د کورنیو چارو وزارت له ورکړیو امارو نه د پېښې تلفات زیات دي. دغه برید شاوخوا سیمو ته زیات مالي زیانونه هم اړولي دي.
