بادغیس، هرات، کندز، بغلان او جوزجان ولایتونو کې د امنیتي ځواکونو په پوستو د طالبانو ډلهییزو بریدونو کې له ۴۰ زیات امنیتي سرتېري وژل شوي او شاوخوا ۳۰ نور ټپیان دي.
د بادغیس والي ویاند جمشید شهابي سلاموطندار ته وايي، طالبانو تېره شپه د ابکمري ولسوالۍ په مرکز او مقُر ولسوالۍ کې په یوې امنیتي پوستې برید کړی چې د افغان ځواکونو او سلهوالو ترمنځ نښته کې ۸ امنیتي ځواکونه وژل شوي او د ابکمري ولسوال عجبګل کاکړ په ګډون ۱۲ نور ټپیان دي.
د بادغیس والي ویاند په وینا، نښتو کې همداراز ۱۵ طالبان وژل شوي او ۱۲ ټپيان دي.
لهدې سره هممهاله طالبانو د بغلان پُلخمري ښار اړوند سیمو کې د محلي پولیسو په پوستو بریدونو کې ۹ امنیتي ځواکونه وژلي او ۹ نور یې ټپیان کړيدي.
د پُلخمري ولایتي روغتون سرطبیب محمد انور وردک وايي، ۹ مړي ولایتي روغتون ته ور وړل شويدي.
د تخار خواجهغار ولسوال ملاعمر هم وايي، طالبانو تېره شپه دې ولسوالۍ کې ولسوالۍ د محلي پولیسو په پوستو بریدونه کړي چې پایله کې یې ۶ محلي پولیس وژل شوي او ۴ ټپیان دي.
په ورته وخت کې د کندوز ولایتي شورا مشر محمد یوسف ایوبي سلاموطندار ته وايي، طالبانو تېره شپه ۱۱ بجې قلعهزال ولسوالۍ کې د امنیتي ځواکونو په پوستو ډلهییز بریدونه کړيدي.
د هغه په وینا، دغه بریدونه ـ چې تر سهاره روان وو ـ د محلي پولیسو قوماندان، د ضربتي بلوک قوماندان، د پولیسو ټولي قومندان، ۸ امنیتي ځواکونه پهکې وژل شوي او ۷ نور ټپیان دي.
د دې ترڅنګ طالبانو د جوزجان ولایت فیضاباد ولسوالۍ کې د پولیسو په پوستو او د هرات پښتونزرغون ولسوالۍ کې د عامه محافظت په پوستې برید کړیدی.
د ځايي چارواکیو په وینا، دغو بریدونو کې ۱۱ امنیتي ځواکونه وژل شوي او شاوخوا ۱۰ نور ټپیان دي.
طالبان هم دغه بریدونه تایید کړيدي
