د پروان د ۲ سوه بستریز ملکي روغتون جوړولو چارې د ۲۷۶ میلیون افغانیو په لګښت په ۱۳۹۴ کال کې پیل شوې؛ خو تراوسه ګټې اخېستلو ته نهدی سپارل شوی.
د پروان ولایتي شورا د دې روغتیايي بنسټ موجودیت د پروان اوسېدونکیو له جدي اړتیاوو څخه بولي؛ خو وايي، د دې روغتون د جوړولو له بهیره د ولایتي شورا نظارت ښيي چې دغه پروژه په ټکنۍ بڼه مخ ته وړل کېږي.
د پروان ولایتي شورا مشر غلامبهاوالدین جیلاني له عامې روغتیا وزارته غواړي، د دغه ولایت د ۲ سوه بستریز ملکي روغتون جوړولو برخلیک معلوم کړي. د ده په خبره، په وعدو پسې وعدې ورکول کېږي؛ خو چارې یې نه بشپړېږي.
د پروان عامې روغتیا ریاست د دغه روغتون جوړولو وخت څلور کاله بولي.
د پروان د عامې روغتیا رییس عبدالخلیل مصدق وايي، په پیمانکار شرکت د خلکو فشارونه د دې لامل شوي چې له ژمنې سره سم د دغه ولایت دوه سوه بستریز ملکي روغتون د راتلونکي کال پسرلي کې ګټې اخېستلو ته وسپاري.
خو د پیمانکار شرکت مسوولان بیا د پروان عامې روغتیا ریاست مسوولانو خلاف وايي، د هغه تړون لهمخې ـ چې د عامې روغتیا وزارت سره یې لاسلیک کړی ـ دغه روغتون د ۲۷۶ میلیون افغانیو په لګښت په ۵ کلونو کې رغول کېږي.
د پیمانکار شرکت مسوول نوید نوري بګراموال وايي، د پروان روغتون چارې ځکه په ټکنۍ بڼه مخ ته وړل کېږي چې د عامې روغتیا وزارت له لوري بودیجه نهده ورکړل شوې او د دغه وزارت هر کال کمې پیسې دغه شرکت ته ورکول کېږي چې د روغتون په جوړلو یې ولګوي.
د هغه په وینا، د دغه روغتون چارې به د ۱۳۹۸ کال د دلوې میاشتې تر نیمايي پورې یانې راتلونکیو څوارلسو میاشتو کې پای ته روسېږي.
ټاکل شوې د پروان ۲ سوه بستریز ملکي روغتون د اروپا په ستنډرډ د چاریکارو ښار شمالي برخو کې څه باندې ۲۰ جریبه ځمکې کې ورغول شي.
د خلکو لپهاره پوښتنه دا ده چې ولې سره لهدې چې هر کال د کابینې څو وزیران د ولسي جرګې له لوري ځکه استیضاح کېږي چې خپله پرمختیايي بودیجه نه مصرفوي؛ خو د دغسې لویو ټولګټو پروژو چارې د بودیجې نهشتوالي په دلیل ځنډول کېږي.
