د حلب په ختیځ څنډه کې روسي جنګي جټ الوتکو د بمبارۍ له امله ۲۵ ولسي وګړي وژل شوي دي.
د روسيې جنګي الوتکو د سوريې ولسمشر بشار اسد د مخالفینو تر ولکې لاندې سیمو باندې دغه هوایي بریدونه کړي.
د سوريې ځينې فعالان وايي، چې دا د روسي جټ الوتکو تر ټولو درنه بمباري وه.
داسې ویل کيږي، چې د روسیې الوتکو ځمکه کې ښخېدونکي بمونه هم کارولي.
د راپورونو پر بنسټ په وژل شویو کې ماشومان هم شامل دي.
دغه قوي بمبارۍ د سوريې حلب ښار ختیځ برخې په بوستان قصر او فردوس سیمو باندې شوې او دا د دولتي ځواکونو سره د جګړې لومړۍ کرښې ته نژدې پرتې دي.
له بل لوري د سوريې د دولت مخالف ځواکونه هم د حلب په لویدیځ کې د دولت تر کنټرول لاندې سیمو باندې بریدونه کوي.
له بل لوري بیا د روسیې رسمي خبري اژانس سنا راپور خپور کړی، چې د روسي جنګي الوتکو په دغو بریدونو کې ۴ کسان وژل شوي او ۱۴ نور ټپیان شوي دي
