جوزجان کې د ټاکنو خپلواک کمېسیون ولایتي دفتر چارواکي وايي، قرقین او منګجیک ولسوالیو کې د امنیتي ګواښونو او د طالبانو له لوري د لارو تړلو له امله، له یوې اوونۍ راهیسې د ټاکنو کمېسیون ۲۴ کارکوونکي بند پاتې دي.
د جوزجان د ځايي چارواکیو په وینا، کهچېرې د دغو کسانو را ایستلو په تړاو هڅې ونهشي؛ د طالبانو لاس ته به ولوېږي.
د قرقین او منګجیک ولسوالیو امنیتي مسوولان هم مني چې د ټاکنو کمېسیون دغه کارکوونکي له یوې اوونۍ راهیسې ټاکنیزو موادو سره پهدې ولسوالیو کې بند پاتې دي.
د جوزجان د ټاکنو کمېسیون ولایتي دفتر مشر حمیدالله بلوچ وايي، تراوسه د دغه ولایت له دوو ولسوالیو څخه د دوی کارکوونکي او ټاکنیز مواد نهدي ور رسېدلي.
قرقین او منګجیک د جوزجان له ناامنو ولسوالیو شمېرل کېږي چې د ټاکنو په ورځ قرقین ولسوالۍ کې درې رایې او منګجیک ولسوالۍ کې ۱۲ رایې کارول شوېدي.
