په المپيک سیالیو کې د لومړي ځل له پاره عربې پېغلې مډال وګټلو

د برازیل په کوربتوب ۲۰۱۶ کال ریو المپیک سیالیو کې دا اول ځل و، چې د مصر هېواد یوې ښځینه لوبغاړې مډال وګټلو.

مصرۍ ساراحمد د وزن پورته کولو په ۶۹ کیلو ګرامه وزن کې له چینایۍ او قزاقستانۍ لوبغاړې وروسته دریم مقام ترلاسه کړ او د برونزو مډال ورکړل شو.

د ورکړل شویو معلوماتو له مخې، سارا احمد د المپیک سیالیو په تاریخ کې لومړۍ عربۍ لوبغاړې شو، چې د المپیک په سیالیو کې ګټونکې کېږي.

په حجاب پټه مصرۍ سارا احمد ۱۸ کاله عمر لري، چې د ۲۵۵ کیلو ګرامه وزن په اوچتولو سره یې دغه مډال ورکړل شو.

دغه راز کویټي فهید د المپیک نړیوالې کمېټې د بیرغ لاندې په نښه ویشتلو کې د سرو زرو مډال وګاټه.

کوېټ هېواد اوسمهال په روانو المپیک سیالیو کې له دې کبله له بندیز سره مخ دی، چې هېواد یې د المپیک په چارو کی لاسوهنه کوي.

د روانو سیالیو په دوام کوربه برازیل فوټبال لوبډلې ډنمارک ته ۴ د ۰ ګول په وړاندې ماته ورکړه او د روانو المپیک سیالیو کوارټرفاینل ته ورسېده.

دغه راز ډینګ نینګ په ټېبل ټینس سیالیو کې چین ته د سرو زرو مډال وګاټه او په دې سره د چین د سرو زرو مډالونو شمېر ۱۰ ته ورسېدل.

انګلستاني جو کلارک بیا کښتۍ چلونه کې بریټانیې ته د سرو زرو مډال ترلاسه کړ.

او د جاپان له پاره بیا کوهي اچیموراني په جمناسټیک برخه کې د سرو زرو مډال ترلاسه کړ، چې جاپان له اسټرالیا څخه دریم مقام ونیولو.

د برازیل ریو المپیک سیالیو پنځمه ورځ هم په ۳۲ مډالونو سره د امریکې هېواد په مخکېوالي سره پاې ته ورسېده.